دل انسانی جسم کا سب سے اہم ترین عضو ہے یہی وجہ ہے کہ ماہرین اس کے خیال رکھنے پر بے حد زور دیتے ہیں۔ کیونکہ یہ صحت مند ہوگا تو پوار جسم صحت مند رہے گا۔
دل کو صحت مند رکھنے کے لیے جہاں ورزش، ہر طرح کے نشے سے پرہیز، رات کی پرسکون نیند اور تناؤ سے نجات ضرورہ ہے وہی متوازن غذا کا استعمال خاص اہمیت رکھتا ہے یا یوں کہیں تو بے جانہ ہوگا کہ آپ دل کو صحت مند رکھنے والی غذاؤں کو خوراک میں شامل کرکے دل کی صحت کو بڑھا سکتے ہیں۔ یہاں پر ان ہی غذاؤں کے بارے بتایا جارہا ہے۔
تازہ جڑی بوٹیاں
تازہ جڑی بوٹیاں جیسے دھنیہ، پودینہ، اوریگانو اور میتھی جب آپ کھانوں میں شامل کرتے ہیں توگویا آپ اپنے دل کی صحت کو مزید بہتر بنارہیں ہیں۔
سیاہ پھلیاں
سیاہ پھلیاں دل کو صحت مند رکھنے والے غذائی اجزاء سے بھرپور ہوتی ہیں۔ اس میں موجود فولیٹ، اینٹی آکسیڈینٹ اور میگنیشیم بلڈ پریشر کو کم کرنے جبکہ فائبر کولیسٹرول اور بلڈ شوگر دونوں کو توازن میں رکھنے میں مدد کرتا ہے۔
سالمن
سالمن مچھلی دل کی صحت کے لیے ایک بہترین غذا ہے اس میں اومیگا 3 ایسڈ کی کثیر مقدار پائی جاتی ہے۔اومیگا 3 ایسی صحت مند چکنائیاں ہیں جو دل کی دھڑکن کی بے ترتیبی اور بلڈ پریشر کو کم کرکے آپ کی صحت کو بہتر بناتی ہیں۔ یہ ٹرائی گلیسرائڈز کو کم کرنے کے ساتھ سوزش کو بھی دور کر سکتی ہے۔
ٹونا
سالمن کی طرح ٹونا مچھلی بھی اومیگا 3 سے بھرپور پوتی ہے۔ الباکور (سفید ٹونا) میں ٹونا کی دیگر اقسام کے مقابلے میں زیادہ اومیگا 3 پایاجاتا ہے۔
زیتون کا تیل
روغن زیتون کی افادیت سے کون واقف نہیں یہ دل سمیت آپ کی مجموعی صحت کو بہتر بنانے میں اہم کردار ادا کرتا ہے۔ اس میں دل کے لیے صحت مند اینٹی آکسیڈنٹس موجود ہیں جو خون کی شریانوں کی حفاظت کرتے ہیں اور اس کا باقائدہ استعمال کولیسٹرول کی سطح کو کم کرنے میں مدد گار ثابت ہوتا ہے۔
اخروٹ
روزانہ مٹھی بھر اخروٹ کولیسٹرول کی سطح کو کم کرنے کے ساتھ دل کی شریانوں میں ہونے والی سوزش سے بھی محفوظ رکھ سکتا ہے۔ اخروٹ میں بھی اومیگا 3، جیسی صحت مند چکنائیاں کثیر مقدار میں موجود ہوتی ہیں، جنہیں مونوسریٹیڈ فیٹس کہا جاتا ہے۔
بادام
بادام میں پلانٹ سٹیرول، فائبر اور دل کی صحت مند چکنائی ہوتی ہے ۔ بادام خراب کولیسٹرول ایل ڈی ایل کو کم کرنے میں مدد کر سکتے ہیں۔
ٹوفو
ٹوفو دہی ہی ایک قسم جسے سویابین سے حاصل ہونے والے دودھ سے تیار کیا جاتا ہے۔ اس میں پودوں پر منبی پروٹین کثرت سے پایا جاتا ہے ساتھ ہی اس میں دل کو صحت مند رکھنے والے معدنیات، فائبر اور پولی ان سیچوریٹڈ چکنائیاں موجود ہوتی ہیں۔
شکر قندی
شکر قندی میں فائبر، وٹامن اے اور لائیکوپین موجود ہوتا ہے جو دل کی صحت کے لیے ضروری سمجھے جاتے ہیں۔
نارنگی
میٹھی اور رس دارنارنگیوں میں کولیسٹرول سے لڑنے والا فائبر پیکٹین موجود ہوتا ہے ساتھ ہی اس میں موجود پوٹاشیم بلڈ پریشر کو کنٹرول کرنے میں مدد دیتا ہے۔
جَو
چاول کی جگہ جو کو غذا میں شامل کریں اس میں موجود فائبر کولیسٹرول کی سطح کو کم کرنے میں مدد کرتا ہے۔ یہ خون میں شکر کی سطح کو بھی کم کر سکتا ہے.
دلیا
دلیا فائبر سے بھرپوتا ہے جو آپ کو دیر تک پیٹ بھرے کا احساس دلاتا ہے جبکہ وقت کے ساتھ ساتھ یہ بلڈ شوگر کی سطح کو مستحکم رکھنے میں مدد کرتا ہے۔ یہ ذیابیطس کے مریضوں کے لیے بھی بے حد مفید ہے۔ جئی میں موجود فائبر برے کولیسٹرول ایل ڈی ایل کو کم کرکے دل کو صحت مند رکھتا ہے۔
السی کے بیج
السی کے بیج میں فائبر، لیگنینز نامی فائٹو کیمیکلز اور اومیگا 3 فیٹی ایسڈ موجود ہوتے ہیں۔ جو دل سمیت مجموعی صحت کو بہتر بنانے میں معاون ثابت ہوتے ہیں۔
کم چکنائی والا دہی
دہی میں کیلشیم اور پوٹاشیم بکثرت پایا جاتا ہے کوشش کریں کہ ہمیشہ کم چکنائی والا دہی استعمال استعمال کریں۔
چیری
چیری کھٹی، میٹھی، خشک یا اس کا رس ہو سب ہی دل کی صحت کی ضامن ہیں۔ان میں اینتھوسیاننز نامی اینٹی آکسیڈینٹ وافر مقدار میں پایا جاتا ہے جو خون کی وریدوں کی صحت کو یقینی بناتا ہے۔
بلیو بیریز
بلیو بیری غذائیت سے بھری ہونے کے ساتھ ایسے اجزاء کو اپنے اندر لیے ہوئے جو دل کی صحت کے ضامن ہیں اس میں اینتھوسیانز نامی اینٹی آکسیڈینٹ پایا جاتا ہے، جو خون کی نالیوں کو صحت مند رکھنے مدد دیتاہے۔ اور یہی اینٹی آکسیڈینٹ بلیو بیریز کو اس گہرا نیلا رنگ فراہم کرتاہے۔
سبز پتوں والی سبزیاں
پتوں والی سبزیاں جیسے پالک اور سرسوں کا ساگ وٹامنز اور منرلز سے بھرپور ہوتا ہے۔ جبکہ ان میں نائٹریٹ کی بھی کثیر مقدار پائی جاتی ہے یہ ایک ایسا مادہ ہے جو خون کی نالیوں کو کھولنے میں مدد کرتا ہے تاکہ آکسیجن سے بھرپور خون دل تک پہنچ سکے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News