پھل اور سبزیوں کی افادیت سے کون واقف نہیں یہ صحت بخش اجزاء سے بھرپور ہوتی ہیں جو آپ کی قوت مدافعت کو بڑھا کر آپ کی مجموعی صحت کو بہتربناتے ہیں۔

یہ بات تو سب ہی جانتے ہیں کہ پھلوں کو غذا میں شامل کرنا صحت کے لیے ضروری وٹامنز اور منرلز حاصل کرنے کا ایک بہترین ذریعہ ہے تاہم کچھ پھل ار سبزیاں اپنے اندر ایسے خواص رکھتی ہیں جنہیں خالی پیٹ استعمال کیا جائے تو صحت کے کئی مسائل جنم لے سکتے ہیں۔

 یہاں پر ایسے 5 پھلوں کا ذکر کیا جارہا ہے جنہیں ناشتے میں کھانا صحت کے لیے نقصان دہ ثابت ہوسکتا ہے۔

ترش پھل

نارنگی، چکوترہ اور لیموں میں بہت زیادہ تیزابیت پائی جاتی ہے یہی وجہ ہے کہ انہیں خالی پیٹ کھانا  سینے میں جلن اور ہاضمے کے مسائل کا سبب بن سکتا ہے۔ جب کہ کچھ لوگوں میں یہ ایسڈ ریفلیکس کا باعث بن سکتا ہے۔

ٹماٹر

ٹماٹر کے لیے جو سب سے بڑی غلطی یہ کی جاتی ہے وہ یہ ہے کہ اسے سبزی تصور کیا جاتا ہے جبکہ ٹماٹر ایک پھل ہے جس میں سٹرک ایسڈ اور میلک ایسڈ کثیر مقدار میں پائے جاتے ہیں یہی وجہ ہے کہ اسے خالی پیٹ یعنی صبح بیدار ہونے پر کھانا معدے کو نقصان پہنچا سکتا ہے اور ایسڈ ریفلیکس مرض میں اضافہ کر سکتا ہے۔

انناس

انناس میں برومیلین نامی انزائم پایا جاتا ہے اگر اسے کثیر مقدارمیں خالی پیٹ استعمال کیا جائے تو یہ   معدے سے جڑے مسائل کا سبب بن سکتا ہے۔

بیریز

بیریزغذائیت سے بھرپور ہونے کے ساتھ معمولی سے ایسڈک خواص بھی رکھتی ہے یہی وجہ ہے کہ خالی پیٹ ان بیریز کا استعمال ہاضمے اور ایسڈ ریفلیکس کا باعث بن سکتا ہے۔

تربوز

تربوز میں پانی کثیر مقدار میں پایا جاتا ہے جبکہ خالی پیٹ کھانے پراس موجود فریکٹوز گیس اپھارہ کا سبب بن سکتا ہے۔