کافی ایک متنازعہ مشروب ہے جس کے بارے میں اب تک جتنی بھی تحقیق کی گئی ہے اس میں کبھی اسے مضر صحت اور کبھی مفید قرار دیا جاتا ہے، یہاں پر کافی کے چند نقصانات کو پیش کیا جارہا ہے جس سے ہر ایک متاثر ہوتا ہے۔

آپ کو کافی پینا کیوں چھوڑ دینا چاہئے؟

یہ بات درست ہے کہ کافی توانائی اور ذہنی ارتکاز کو بڑھاتی ہے، تاہم اس کے بہت سے مضر صحت اثرات ہیں جس کی وجہ سے اس کے استعمال کو ترک کرنا یا محدود کرنا ضروری ہے۔

کیفین پر انحصار

 کیفین کا زائد مقدار میں باقاعدگی سے استعمال آپ کو اس کا عادی بنادیتا ہے، اور جب اسے استعمال نہ کیا جائے تو سر درد، تھکاوٹ، اور چڑچڑاپن جیسی علامات سامنے آتی ہیں۔

نیند میں خلل

رات میں سونے سے قبل کافی پینا نیند میں خلل کا سبب بن سکتا ہے اوراس طرح آپ رات میں پر سکون نیند سے محروم رہ سکتے ہیں۔

 اضطراب

کیفین جسم میں تناؤ کے ہارمونز کی سطح کو بڑھا سکتا ہے، جس سے بے چینی اور گھبراہٹ کا احساس ہوتا ہے۔

ہاضمے پر منفی اثرات

کافی پیٹ میں مختلف ایسڈ کے اخراج کو بڑھا سکتی ہے، جس سے تیزابیت اور دیگر ہاضمے کے مسائل پیدا ہوتے ہیں۔

پانی کی کمی

کافی میں موجود اجزاء پیشاب کے اخراج کو بڑھا کر جسم میں پانی کی کمی کا سبب بن سکتی ہے یہی وجہ ہے کہ اسے اعتدال میں استعمال کیاجانا ضروری ہے ۔