سہ ملکی ٹی 20 سیریز کے پہلے میچ میں پاکستان نے زمبابوے کو 5 وکٹوں سے شکست دے دی۔

 زمبابوے نے سہ ملکی ٹی ٹوئنٹی سیریز کے پہلے میچ میں پاکستان کے سامنے 148 رنز کا ہدف رکھ دیا۔

 زمبابوے نے 20 اوورز میں 8 وکٹوں کے نقصان پر 147 رنز بنائے جس میں برائن بنیٹ کی 49 رنز کی عمدہ اننگز شامل ہے۔

پاکستان کے کپتان سلمان علی آغا نے ٹاس جیت کر زمبابوے کو بیٹنگ کی دعوت دی۔

پاکستان کی ٹیم میں صائم ایوب، صاحبزادہ فرحان، فخر زمان، بابر اعظم، سلمان علی آغا، عثمان خان، محمد نواز، فہیم اشرف، سلمان مرزا، شاہین آفریدی اور ابرار احمد شامل ہیں۔

زمبابوے کی اننگز:

زمبابوے کی اننگز کا آغاز کافی مضبوط رہا اور اوپنرز نے 72 رنز کی شراکت قائم کی۔ تاہم مارومانی 30 رنز بنا کر آؤٹ ہو گئے۔

اس کے بعد برینڈن ٹیلر 14 رنز بنا کر رن آؤٹ ہوئے، جب کہ برائن بنیٹ 49 رنز کے ساتھ نمایاں رہے۔

ریان برل صرف 8 رنز بنا سکے جبکہ کپتان سکندر رضا 34 رنز پر ناٹ آؤٹ رہے۔

پاکستان کی جانب سے محمد نواز نے 2 وکٹیں حاصل کیں، جبکہ صائم ایوب، ابرار احمد، سلمان مرزا اور شاہین آفریدی نے ایک ایک وکٹ لی۔

پاکستان کی اننگز

پاکستان نے زمبابوے کا 148 رنز کا ہدف 4 گیندوں قبل 5 وکٹوں کے نقصان پر حاصل کیا۔ فخر زمان 44 رنز کے ساتھ نمایاں رہے۔

صائم ایوب نے 22 اور صاحبزادہ فرحان نے 16رنز بنائے۔بابر صفر اور کپتان سلمان علی آغا ایک رن بناکر آؤٹ ہوئے۔

عثمان خان 37 اور محمد نواز 20 رنز بناکر ناٹ آؤٹ رہے اور پاکستان ٹیم کو جیت دلوائی۔

زمبابوے کی جانب صے بریڈ ایونز نے 2 کھلاڑیوں کو آؤٹ کیا۔

واضح رہے کہ سہ ملکی سیریز میں پاکستان، زمبابوے اور سری لنکا کی ٹیمیں حصہ لے رہی ہیں۔