یاسین ملک کے نئے پروڈکشن وارنٹ جاری

عمر اللہ حسینی

23rd Aug, 2019. 07:22 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

یاسین ملک کے نئے پروڈکشن وارنٹ جاری

ٹاڈا عدالت نے حریت رہنما یاسین ملک کے نئے پروڈکشن وارنٹ جاری کر دیئے۔

کشمیر میڈیا سروس کے مطابق ٹاڈا عدالت نے تہاڑ جیل انتظامیہ کو یاسین ملک کو اگلی سماعت میں پیش کرنے کی ہدایت جاری کی ہے۔

غیر قانونی طور پر گرفتارکئے جانے والے یاسین ملک کے خلاف کیس کی سماعت گیارہ ستمبر کو ہوگی۔

حریت رہنما یاسین ملک کو قابض بھارتی حکام نےتیس سال قبل بنائےگئے جھوٹےمقدمات میں گرفتار کر رکھا ہے۔

دوسری جانب مقبوضہ کشمیر میں کرفیو 19ویں روز میں جاری ہے ۔ بھارتی مظالم کے خلاف آج وادی میں بعد نماز جمعہ بھرپوراحتجاج کیا جائے گا۔ کشمیری عوام اقوام متحدہ کے دفتر کی جانب مارچ بھی کریں گے۔

قابض بھارتی فورسز نےخوف کے باعث سڑکوں اور اہم شاہراہوں پر خار دار باڑیں لگا کرراستے بند کردیئے ہیں۔

اقوامِ متحدہ کے مبصر مشن کے دفتر کی جانب جانے والے راستے بھی بند ہیں۔

وادی کے مختلف علاقوں میں جگہ جگہ پمفلٹ لگائے گئے ہیں جس میں مظاہرے کے اعلان کے ساتھ ساتھ سفارتی سطح پر پاکستان کی جانب سے کی گئی کوششوں پر شکریہ ادا کیا گیا ہے ۔

کشمیر میڈیا سروس کے مطابق بھارتی فوج اب تک 10ہزارکشمیریوں کو گرفتارکرچکی ہے۔