بھارت کی جانب سے ریاست جموں و کشمیر کی خود مختاری کو منسوخ کرنےکے فیصلے پرامریکی جریدےبلومبرگ نے بھی مخالفت کردی گئی۔

امریکی جریدے بلومبرگ کےاداریہ بورڈنےبھارتی فیصلے کی کھل کرمخالفت کرتے ہوئےبیان دیاہےکہ بھارت کشمیر میں غلطی کررہاہے،بھارتی  وزیراعظم نریندرمودی کےلئےایک اہم امتحان ہے۔

امریکی جریدے کے مطابق کشمیرکی حیثیت تبدیل کرناپاکستان کے ساتھ تناؤ کوکم نہیں کرےگا،بھارتی اقدام سے خطے کا امن خراب ہوگا۔

بلومبرگ کےمطابق بھارت کوپاکستان کےساتھ تجارتی اورسفارتی تعلقات کیلئےایک حقیقی حکمت عملی کی اشد ضرورت ہے۔ مودی کی حکومت اپنے حریف کو نظرانداز اورتنہا کرنے میں کوشاں ہے، بی جے پی کاخیال ہے کہ اقدام سے ملازمتوں اورسرمایہ کاری کےذریعے کشمیریوں کی زندگیوں میں بہتری آئے گی۔

امریکی جریدے کاموقف ہے کہ بھارتیہ جنتا پارٹی (بی جے پی) کی اس سوچ پر سوالیہ نشان ہے۔بھارتی اقدام سے پاک فوج کو مزید تقویت ملے گی۔ مودی کی حکومت کشمیرمیں مخالف سمت جارہی ہے۔

امریکی جریدےنےنام نہادسیکیولر بھارت کاپردہ چاک کرتے ہوئے مزید بتایا گیا کہ بھارت نےکشمیرمیں سیکڑوں مقامی رہنماؤں کونظربند کررکھاہے، پہلے سےہی بھاری بھرکم فوج ہونے کےباوجود ریاست میں ہزاروں فوج روانہ کی گئی۔ بھارت نےسیاحوں کوعلاقہ چھوڑنے کو کہا،کرفیو نافذ کردیااور مواصلاتی روابط منقطع کردیئے۔

پاکستان کی تائیدکرتے ہوئے امریکی جریدے نےلکھاہے کہ  مودی کی ہندو قوم پرست بھارتیہ جنتا پارٹی کشمیر میں مسلم اکثریت کے خاتمے کی خواہاں ہے۔