چئیرمن پی سی بی احسان مانی کا کہنا ہے کہ تیرہ سال بعد ٹیسٹ ٹیم کی پاکستان آمد سے بین الاقوامی کرکٹ کے راستے کھلیں گے۔
ایک بیان میں چئیرمن پی سی بی نے کہا کہ سری لنکن ٹیم کی پاکستان آمد خوش آئند ہے۔تیرہ سال بعد ٹیسٹ ٹیم کی پاکستان آمد سے بین الاقوامی کرکٹ کے راستے کھلیں گے۔
انہوں نے کہا کہ سری لنکا کی آمد سے دنیا کو پیغام جائے گا کہ پاکستان محفوظ ملک ہے۔ پاکستان سری لنکا کرکٹ سیریز شیڈول کے مطابق ہو رہی ہے۔ثابت ہو گیا ہے کہ پاکستان اور سری لنکن بورڈز میں کتنے گہرے تعلقات ہیں۔
احسان مانی نے کہا کہ کراچی اور لاہور کے اسٹیڈیمز میں شائقین بھرپور شرکت کر کے مہمان نوازی کا ثبوت دیں۔پاکستانی مداحوں میں کرکٹ کا جنون ہے، اور انہیں دو ہفتوں میں مقابلے کی کرکٹ دیکھنے کو ملے گی۔
احسان مانی نے مزید کہا کہ اسپانسرز بھی پاکستان میں کرکٹ کے فروغ کے لئے اہم کردار ادا کر رہے ہیں۔ جس پر ان کا شکر گزار ہوں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
