وفاقی وزیرسائنس اینڈ ٹیکنالوجی فواد چوہدری کاکہناہے کہ ہماری اندرونی سیاسی سازشیں جس طرح کشمیریوں کی حالت زار سے ہماری توجہ ہٹائے ہوئے ہیں اس کےشدید نقصان کیلئےتیاررہیں۔

تفصیلات کے مطابق سماجی رابطے کی ویب سائٹ ٹویٹرپر بیان دیتےہوئے وفاقی وزیر نے کہاکہ مودی کا اگلا نشانہ سندہ طاس معاہدہ ہوگا۔

فواد چوہدری کا کہناہے کہ بھارت پاکستان کےحصے کے پانی کوپتا نہیں کیسےبرداشت کررہاہے،پاکستان کےپاس آنکھ جھپکنےکابھی وقت نہیں،تیاررہیں۔

واضح رہے کہ وزیر سائنس نےجمیعت علمائے اسلام (ف) کے آزادی مارچ کوفوادچوہدری کی جانب سے شدیدتنقید کانشانہ بنایاگیاہے۔

اپوزیشن جماعتوں کا آزادی مارچ 6روزسےجاری ہےجس میں شامل شرکاء بدستور ایچ نائن گراؤنڈ میں قیام پذیرہیں۔

گذشتہ رات اسلام آباد میں گرج چمک کے ساتھ ہلکی بارش اور تیز ہواؤں کے باعث سرد موسم نےآزادی مارچ کےشرکاء کی مشکلات میں شدید اضافہ کیاہے۔

آزادی مارچ انتظامیہ کی جانب سے کہا گیا کہ جن شرکاء کے پاس بارش سے بچاؤ کا انتظام نہیں وہ کشمیر ہائی وے میٹرواسٹیشن میں قیام کریں۔

گذشتہ روزجے یوآئی  (ف) کے سربراہ مولانا فضل الرحمان نے کہا ہے کہ آزادی مارچ کے شرکاء کو کب اٹھنا ہے اس کا فیصلہ ہم کریں گے۔

انہوں نے کہاکہ آزادی مارچ کےختم کرنے کے حوالےسےوزراء جھوٹ بول رہے ہیں، اگر ہمیں اشتعال دلایا گیا تو 24 گھنٹوں میں انہیں شکست ہوجائے گی۔

آزادی مارچ سے خطاب کرتے ہوئے مولانا فضل الرحمان نے کہا کہ ہم اپنے مطالبے پر ڈٹے ہوئے ہیں، دھاندلی کی تحقیقات سے متعلق ہم کوئی کمیشن نہیں مانتےاور اس کی تجویز کوبھی مسترد کرتے ہیں اور نئے الیکشن چاہتے ہیں۔

مولانافضل الرحمان کا کہنا تھا کہ اگرتم چاہتے ہو دھرنا ختم ہونا چاہیے تو اعلان کردو خود بھی مشکل سے نکل جاؤ۔