بچوں سےزیادتی کیس کی تفتیش اےایس پی سےکم رینک کاافسرنہیں کرے گا،عدالت

ثمرا مظہر

21st Nov, 2019. 04:05 pm
شيئر
- Font size
  - Small
  - Medium
  - Large
- Dark Mode
- Save
- Print
- 0
  Comments

آرٹیکلز

Now Reading:

بچوں سےزیادتی کیس کی تفتیش اےایس پی سےکم رینک کاافسرنہیں کرے گا،عدالت

اسلام آبادہائیکورٹ کی جانب سےبہارہ کہوزیادتی کیس کے تحریری حکمنامے سے میں ہدایات جاری کی گئی ہیں کہ بچوں سے زیادتی کیس کی تفتیش اے ایس پی سےکم رینک کا افسر نہیں کرے گا۔

تفصیلات کے مطابق اسلام آبادہائیکورٹ کے چیف جسٹس اطہر من اللہ نے تحریری فیصلے میں ہدایت کی کہ آئی جی اور چیف کمشنر اسلام آبادخصوصی لائحہ عمل تیار کریں۔

تحریری حکمنامے سے میں ہدایات جاری کی گئیں کہ بچوں سے زیادتی کے ملزمان کا میڈیکل بورڈ سے معائنہ کرایا جائے اور ضمانت کی درخواست آنے پر ملزم کے مجرمانہ ریکارڈ کو بھی حصہ بنایا جائے۔

عدالت نے فیصلےمیں ہدایت کی کہ ہر ملزم کے مجرمانہ ریکارڈاس بات کاتعین کیا جائےگاکہ ضمانت کی صورت میں دوبارہ جرم کا امکان تو نہیں۔

خیال رہے کہ اسلام آباد کےعلاقے بہارہ کہو میں چند ماہ قبل بچی کو زیادتی کا نشانہ بنایا گیا تھا۔

بچی کےوالدین کاکہناہے کہ وہ بارش میں نہانے کے لیے دروازے سے باہر نکلی تھی اور کافی دیر واپس نہیں آئی تو تلاش شروع کی گئی۔بعد ازاں بچی بے ہوش حالت میں قریبی جھاڑیوں سے ملی اور اسے پمز اسپتال لے جایا گیا تھا۔

واضح رہے کہ واقعہ کی ایف آئی آر والد کی مدعیت میں درج کی گئی تھی۔