مریم نواز کا نام ای سی ایل سے کی درخواست پرسماعت ملتوی

ثمرا مظہر

25th Feb, 2020. 03:59 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مریم نواز کا نام ای سی ایل سے کی درخواست پرسماعت ملتوی

لاہور ہائیکورٹ نے مریم نواز کا نام ای سی ایل سے نکالنے اور پاسپورٹ واپسی کی درخواست پر سماعت ایک ہفتہ کیلئے ملتوی کر دی۔

تفصیلات کے مطابق لاہور ہائیکورٹ کے جسٹس علی باقر نجفی کی سربراہی میں دو رکنی بنچ نے مریم نواز کا نام ای سی ایل سے نکالنے اور پاسپورٹ واپسی کی درخواست پرسماعت کی جس میں مریم نواز کی طرف سے امجد پرویز اور اعظم نذیر تارڑ ایڈووکیٹ عدالت میں پیش ہوئے۔

عدالت میں نیب کی طرف سے اسپیشل پراسکیوٹر سید فیصل رضا بخاری اورایڈیشنل اٹارنی جنرل اشتیاق احمد خان بھی عدالت میں پیش ہوئے۔

کمرہ عدالت میں جسٹس علی باقر نجفی نے ریمارکس دیتے ہوئے کہا کہ ہم چاہتے ہیں کہ مریم نواز کے پاسپورٹ واپسی کے معاملے پر اٹارنی جنرل ہماری معاونت کریں، اگر وہ خود نہیں آسکتے تو ہم آرڈر کر کے بلوا لیں گے۔

ایڈیشنل اٹارنی جنرل اشتیاق احمد خان نے اس موقع پر کہاکہ ویسے تو حکومت کا موقف آ چکا ہے، پنجاب حکومت نے نواز شریف کی 8 ہفتوں کی توسیع کو مسترد کر دیا ہے تو یہ درخواست غیر موثر ہو جائے گی۔

بعد ازاں عدالت نے کیس کی مزید سماعت ایک ہفتہ کیلئے ملتوی کردی۔