جھل مگسی، باراتیوں کی بس الٹنےسے 13افرادجاں بحق،42زخمی

ثمرا مظہر

15th Feb, 2020. 11:58 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جھل مگسی، باراتیوں کی بس الٹنےسے 13افرادجاں بحق،42زخمی

جھل مگسی کےعلاقے باریجہ میں باراتیوں سے بھری بس الٹ گئی۔ بس الٹنےسے 13 باراتی جاں بحق جبکہ دولہا دلہن سمیت 42 باراتی زخمی ہوگئے۔

تفصیلات کے مطابق ریسکیو اہلکاروں کاکہناہےکہ جاں بحق ہونے والوں کی لاشیں اور زخمیوں کو شہدادکوٹ اسپتال منتقل کردیا گیا،خوفناک حادثے میں 6 افراد موقع پر ہی جاں بحق ہوگئے تھے اور 7 زخمیوں نے شہدادکوٹ اسپتال میں دم توڑ دیا۔

ریسکیو اہلکاروں نےبتایا کہ حادثے کا شکار ہونے والاخاندان لسبیلہ سے شادی کے بعد دلہن لیکر واپس اپنے شہر مدیجی آرہا تھا کہ موڑ کاٹتے ہوئے ٹائی راڈ ٹوٹنے سے حادثہ پیش آگیا۔

جاں بحق اور زخمی ہونے والوں میں خواتین اور بچے بھی شامل ہیں۔ حادثے میں 42شہدادکوٹ اسپتال لائے گئے۔

زخمیوں میں سے 20 زخمیوں کو شہدادکوٹ اسپتال سے تشویشناک حالت میں لاڑکانہ اسپتال منتقل کردیا گیا ہے۔ اسپتال میں ایمرجنسی نافذ کرکے ڈاکٹروں کی چھٹیاں منسوک کردی گئی۔

حادثے کی اطلاع ملنے پر ڈپٹی کمشنر جاوید جاگیرانی، ایس ایس پی قمبر شہدادکوٹ کامران نواز اور دیگر افسران اسپتال پہنچ گئے۔