سلطان ازلان شاہ کپ ہاکی ٹورنامنٹ کرونا وائرس کےباعث ملتوی کردیا گیاہے۔

تفصیلات کےمطابق پاکستان ہاکی فیڈریشن (پی ایچ ایف) کےمطابق 11 سے 18 اپریل تک ملائیشیا کےشہرایپو میں کھیلاجاناتھا ،تاہم منتظمین نے کھلاڑیوں کی حفاظت کے پیش نظراس ٹورنامنٹ کوفی الحال ملتوی کرنےکااعلان کردیاہے۔

سلطان ازلان شاہ کپ ہاکی ٹورنامنٹ میں پاکستان کی ہاکی ٹیم نےبھی شرکت کرنی تھی۔

ایونٹ کےلیےنئی تاریخیں تجویز کردی گئی ہیں، جس کےمطابق ٹورنامنٹ 24 ستمبر سے 3 اکتوبرتک منعقدہوگا۔

دوسری جانب اذلان شاہ ہاکی ٹورنامنٹ کی تیاری کے لیے لگایا جانے والا پاکستان ہاکی ٹیم کا کیمپ بھی ختم کردیا گیا ہے۔

یہ کیمپ گزشتہ ایک ماہ سے لگاہواتھاجبکہ حتمی کھلاڑیوں کاانتخاب  گزشتہ روزکیاجانا تھا۔

واضح رہے کہ چین سے مختلف ممالک میں پھیلنے والے اس وائرس کی وجہ سے اب تک 3 ہزار سے زائد افراد ہلاک اور لگ بھگ 90 ہزارافراد متاثر ہوئے ہیں۔

پاکستان میں بھی اب تک کرونا وائرس کے 5 کیسز کی تصدیق ہوچکی ہے۔

کراچی اوراسلام آباد کے بعد گلگت بلتستان سےبھی کرونا وائرس کاایک کیس سامنے آگیاہےجس کےبعدملک میں متاثرہ افراد کی تعداد 5 ہوگئی ہے۔

اس سے قبل  کراچی اور اسلام آباد سے کورونا وائرس کے  2،2  کیسز کی تصدیق ہوچکی ہے اورمتاثرہ افرادزیرعلاج ہیں۔