
وزیرِاعظم عمران خان نے کہا ہے کہ ملک کی ترقی کراچی کی ترقی سے وابستہ ہے۔
تفصیلات کے مطابق وزیرِ اعظم عمران خان کی زیر صدارت اعلیٰ سطحی اجلاس ہوا ، جس میں کراچی کی تعمیرو ترقی کے لئے وفاقی حکومت کی جانب سے مکمل ہونے والے اور نئے ترقیاتی منصوبوں کے حوالے سے جائزہ لیا گیا ۔
اجلاس میں اسد عمر، سید علی حیدر زیدی، گورنر سندھ عمران اسماعیل ، متعلقہ وفاقی و صوبائی سیکرٹریز و دیگر سینئر افسران شریک ہوئے۔
اس موقع پر وزیرِ اعظم کو سندھ کے لئے وفاقی حکومت کی جانب سے اعلان کردہ 162 ارب روپے کے ترقیاتی پیکیج جبکہ کراچی کی تعمیرو ترقی کے لئے نئے ترقیاتی منصوبوں اور پبلک پرائیویٹ پارٹنر شپ کے تحت مختلف اہم منصوبوں پر بریفنگ دی گئی۔
اجلاس میں بریفنگ دیتے ہوئے کہا گیا کہ سخی حسن فلائی ، فائیو سٹار اور کے ڈی اے فلائی اووز، 6.4 کلومیٹر طویل نشتر روڈ کا افتتاح کردیا گیا جبکہ منگھوپیر سڑک کے ایک حصے کا افتتاح گذشتہ ہفتے کیا گیا ہے اور گرین لائن بس ریپڈ ٹرانزٹ سسٹم کا انفراسٹرکچر مارچ 2021تک مکمل کر لیا جائے گا۔
وزیراعظم کو بریفنگ دیتے ہو ئے یہ بھی کہا گیا کہ بنارس سے جام چکرو تک 66انچ کی واٹر سپلائی لائن کا 95 فیصد کام مکمل کر لیا گیا ہے جبکہ بقیہ کام بھی اپریل تک مکمل کر لیا جائے گا۔
بریفنگ دیتے ہوئے مزید کہا گیا کہ کراچی میونسپل کارپوریشن کے فائر فائٹنگ سسٹم کی اپ گریڈیشن کے حوالے سے بریفنگ دیتے ہوئے کہا گیا کہ اب تک اس منصوبے پر ایک ارب سے زائد خرچ کیے جا چکے ہیں، منصوبے کے تحت پچاس فائر ٹینڈرز سسٹم میں شامل کیے جائیں گے۔
کوروناوائرس : کینیڈین وزیراعظم کا خود کو آئیسولیشن میں رکھنے کا فیصلہ
اجلاس میں جناح ایونیو پر فلائی اوور کی تعیمر، گرین لائن کو فعالیت کے حوالے سے پیش رفت پر بھی بریفنگ دی گئی جبکہ سندھ میں پرائم منسٹر پیکیج کے حوالے سے ترقیاتی منصوبوں اور پبلک پرائیویٹ پارٹنر شپ کے تحت بڑے منصوبوں سے بھی آگاہ کیا گیا۔
واٹر فلٹریشن پلانٹس، لیاری ایکسپریس وے کی بہتری، کراچی ناردرن بائی پاس کی توسیع وغیرہ جیسے منصوبوں کے حوالے سے بریفنگ دیتے ہوئے کہا گیا کہ سندھ انفراسٹرکچر ڈویلپمنٹ کمپنی کی تنظیم نو اور استعداد کار میں اضافہ کیا جائے گا جبکہ ترقیاتی منصوبوں پر بروقت عمل درآمد کو یقینی بنایا جائے گا۔
اجلاس میں وزیرِاعظم عمران خان کا کہنا تھا کہ کراچی میں پانی صاف کرنے ،سیوریج اور آبی آلودگی کے مسئلے پر فوری توجہ دینے کی ضرورت ہے کیونکہ کراچی ملکی معیشت میں انجن آف گروتھ کا کردار ادا کرتا ہے ۔
عمران خان کا یہ بھی کہنا تھا کہ کراچی کی آبادی کےلحاظ سے تعمیر و ترقی ا ور شہری سہولیات کی ضروریات کو ماضی میں نظر انداز کیا گیالیکن وفاقی حکومت کراچی کی تعمیرو ترقی اور عوامی فلاح و بہبود کے ضمن میں اپنا بھرپور کردار ادا کرنے کے حوالے سے پرعزم ہے۔
اجلاس میں وزیرِاعظم عمران خان کا مزید کہنا تھا کہ ملک کی ترقی کراچی کی ترقی سے وابستہ ہے اس لئے کراچی کی بندرگاہیں اور نقل و حمل کی سہولتوں کو مزید بہتر بنایا جائے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News