برطانوی وزیراعظم بورس جانسن نےملک کےتمام گھروں کوبھیجےگئےایک خط میں برطانوی شہریوں  کاخبردارکیاہےکہ حالات بہترہونےسےپہلےمزید خراب ہوں گے۔

بورس جانسن نےٹوئٹرکےذریعےعوام کےنام اپنے خط میں خبردارکیاہےکہ برطانیہ میں کوروناوائرس کی وبا سے حالات مزید خراب ہوں گے، جس کے بعد بہتری آئے گی۔

 اپنےخط میں برطانوی وزیراعظم نےعوام سےکہاہےکہ سائنسی اورطبّی مشوروں میں جوکچھ انہیں بتایا جائےگا،ان کی حکومت اس پرعمل کرنےمیں ذرابھی نہیں ہچکچائےگی۔

اپنےخط میں بورس جانسن نےمزیدلکھاکہ ان کی حکومت درست اندازمیں تیاریاں کررہی ہےاورہم (برطانوی عوام) قوانین پرجتنازیادہ عمل کریں گے،اتنی ہی کم جانیں ضائع ہوں گی اورزندگی بھی اتنی ہی جلد معمول پرواپس آجائے۔

Advertisement

PM @BorisJohnson is writing to every UK household to urge them to stay at home, protect the NHS and save lives. #StayHomeSaveLives pic.twitter.com/GMNPqEl10d

— UK Prime Minister (@10DowningStreet) March 28, 2020

ناول کورونا وائرس کی حالیہ عالمی وباکےتناظرمیں ناقص کارکردگی اورسست رفتارکارروائی کی بناء پر برطانوی حکومت کوشدیدعوامی تنقیدکاسامناہےجس کاجواب بورس جانسن نےاپنےاس خط کےذریعےدینے کی کوشش کی ہے۔

برطانوی نشریاتی ادارےکےمطابق، یہی خط برطانیہ میں تین کروڑگھروں کو بھی بھیجاجائےگاجس پر اندازاً 58 لاکھ پاؤنڈ (ایک ارب 20 کروڑ پاکستانی روپے) لاگت آئے گی۔

واضح رہے کہ برطانیہ میں نا ول کورونا وائرس (کووِڈ 19) سے متاثرہ افراد کی تعداد 17,089 پر پہنچ چکی ہے جبکہ ہفتے کے روز مزید 260 اموات کے ساتھ وہاں کووِڈ 19 سے مرنے والوں کی تعداد 1,019 ہوگئی ہے۔

کووِڈ 19 کے برطانوی متاثرین میں برطانوی  وزیراعظم  بورس  جانسن   کے  علاوہ   شہزادہ چارلس بھی شامل ہیں جو آج کل سیلف آئسولیشن میں ہیں۔