سابق وزیر اعلیٰ مقبوضہ کشمیر عمر عبداللّٰہ کو 7 ماہ حراست میں رکھنے کے بعد رہا کر دیا گیا ہے۔
بھارتی میڈیا کے مطابق مقبوضہ کشمیر کی حکومت کی جانب سے عمر عبداللّٰہ کو 7 ماہ بعد رہا کر نے کا حکم جاری کیا گیا ہے جبکہ دو ہفتے قبل عمر عبداللّٰہ کے والد سابق وزیر اعلیٰ اور نیشنل کانفرنس کے رہنما فاروق عبداللّٰہ کو بھی رہا کیا گیا تھا ۔

232 days after my detention today I finally left Hari Niwas. It’s a very different world today to the one that existed on 5th August 2019. pic.twitter.com/Y44MNwDlNz

— Omar Abdullah (@OmarAbdullah) March 24, 2020

عمر عبداللّٰہ اور ان کے والد کو پبلک سیفٹی ایکٹ کے تحت حراست میں لیا گیا تھا جس کے بعد عمر عبداللّٰہ 232 دنوں کے بعد رہا ہونے جا رہے ہیں۔
رہائی کے بعد سابق وزیر اعلیٰ نے مائیکرو بلاگنگ ویب سائٹ ٹوئٹر پر تصویر سئیر کرتے ہوئے کہنا تھا کہ
آج کی دنیا بلکل مختلف ہے ،232 روز بعد آج میں نے ہری نواس چھوڑ دیا ہے ۔ آج کی دنیا گزشتہ سال 5 اگست سے بلکل مختلف ہے ۔
سپریم کورٹ نے گز شتہ ہفتے عمر عبد اللہ کی بہن کی فوری رہائی کے لئے دائر درخواست پر مرکزی حکومت سے کہا تھا کہ وہ اس ہفتے تک جواب دے۔

Advertisement

عدالت نے کہا تھا کہ اگر حکومت عمر عبداللہ کی رہائی سے متعلق کوئی وضاحت نہیں دے گی تو وہ سارہ عبداللہ کی جانب سے درخواست پر سماعت کرنے پر مجبورہوجائیں گے ۔
واضح رہے کہ عمر عبداللّٰہ کو گزشتہ سال اگست کی 5 تاریخ کو اس وقت حراست میں لیا گیا تھا جب بھارتی حکومت کی جانب سے مقبوضہ کشمیر میں آرٹیکل 370 کے اطلاق کا حکم دیا گیا تھا ۔