کورونا وائرس کے خلاف فیس بک میسنجر پاکستان کا ہتھیار
پاکستان میں کورونا وائرس سے ہونے والی بیماری کووڈ 19 سے متاثرہ افراد کی تعداد 875 ہوگئی ہے ۔
جبکہ گزرتے دنوں کے ساتھ اس مہلک وائرس کے متاثرہ ا فراد کی تعداد میں اضافہ ہوتا جارہا ہے ۔
تاہم اسی تناظر میں حکومت پاکستان نے اس حوالے سے لوگوں میں شعور اجاگر کرنے اور غلط معلومات کی ترسیل کی روک تھام کے لیے سوشل میڈیا نیٹ ورک فیس بک کو استعمال کرنا شروع کردیا ہے۔
فیس بک میسنجر نے دنیا بھر کی حکومتوں اور عالمی ادارہ صحت کے لیے ایک پروگرام کو متعارف کرایا ہے تاکہ وہ بروقت کورونا وائرس سے متعلق معلومات عوام تک پہنچا سکیں۔

Messenger Partners with Developers to Provide Government Health Organizations with Free Services to Respond to Coronavirus Pandemic

اس پروگرام کے تحت میسنجر ڈویلپرز کو حکومتی اداروں سے کنکٹ کرکے ایپس اور چیٹ بوتش کی تیار میں سہولت فراہم کی جائے گی، تاکہ لوگوں کو وبا کے بارے میں تازہ ترین صورتحال، ذہنوں میں موجود سوالات کے جواب اور دیگر کے بارے میں آگاہ کیا جاسکے۔
پاکستان ان اولین ممالک میں شامل ہے جو فیس بک میسنجر کے اس نئے پروگرام میں شامل ہوئے ہیں اور ایک چیٹ بوٹ متعارف کرایا ہے۔
فیس بک نے اپنے بلاگ میں بتایا کہ ارجنٹائن، یونیسیف اور پاکستان کی وزارت قومی صحت نے میسنجر کو کووڈ 19 معلومات کو شیئر کرنے کے لیے استعمال کرنا شروع کردیا ہے۔

Advertisement

اس لنک پر جاکر آپ پاکستان میں کورونا وائرس کے حوالے سے مختلف معلومات کو حاصل کرسکتے ہیں۔

وزیراعظم کے معاون خصوصی برائے صحت ڈاکٹر ظفر مرزا کا اس پروگرام کےحوالے سے کہنا ہے کہ ‘کورونا وائرس کے عالمی بحران کے لیے فیس بک کا تعاون عوامی شعور اجاگر کرنے اور شہریوں کو اہم طبی ٹپس کی فراہمی کے لیے بہت اہم ہے، میسنجر کی مدد سے ہمیں کورونا وائرس کے بارے میں تازہ ترین معلومات جاننے کے خواہشمند افراد تک مستند معلومات کی فراہمی میں مدد ملے گی جبکہ اس سے ہیلپ لائن کو زیادہ اہم کیسز کے لیے اوپن رکھنے میں مدد ملے گی’۔
فیس بک کی زیرملکیت اپلیکشن واٹس ایپ کی طرح میسنجر بھی دنیا میں سب سے زیادہ استعمال ہونے والی میسجنگ ایپ ہے جسے روزانہ ڈیڑھ ارب کے قریب صارفین استعما ل کرتے ہیں۔