ملک میں کورونا کے تصدیق شدہ مریضوں کی تعداد 4601 ہوگئی ہے جب کہ اس مہلک وائرس سے جاں بحق افراد کی تعداد 66 تک جاپہنچی ہے۔
تفصیلات کے مطابق نیشنل کمانڈ اینڈ کنٹرول سینٹر کی جانب سے جاری اعداد و شمار کے مطابق گزشتہ 24 گھنٹوں کے دوران ملک بھر میں کورونا وائرس کے 2 ہزار 478 مشتبہ مریضوں کے ٹیسٹ کیے گئے جن میں سے 284 میں اس وائرس کی تشخیص ہوئی۔ جس کے بعد ملک بھر میں کورونا کا شکار افراد کی تعداد 4ہزار 601 ہوگئی ہے۔
سرکاری اعداد و شمار کے مطابق گزشتہ 24 گھنٹوں میں مزید 4 افراد کورونا کے ہاتھوں زندگی کی بازی ہار گئے جب کہ 45 کی حالت تشویشناک ہے۔ ملک میں کورونا سے جاں بحق افراد کی تعداد 66 ہوگئی ہے۔
حکام کے مطابق اب تک پنجاب میں 2241،سندھ 1128، بلوچستان 212، خیبر پختونخوا میں 560، آزاد کشمیر 33، اسلام آباد میں 107 اورگلگت بلتستان میں 215 کیسز رپورٹ ہوچکے ہیں۔
ملک بھر میں اب تک 66 افراد کورونا کے باعث جان کی بازی ہار گئے۔
Advertisement
نیشنل کمانڈ اینڈ کنٹرول سینٹر کے مطابق اب تک ملک بھر میں54ہزار 706افراد کے ٹیسٹ کیے گئے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
