براعظم ایشیا کی معاشی صورتحال پر ایشیائی ترقیاتی بینک کی سالانہ ایشین آوٹ لک رپورٹ 2020 جاری کر دی گئی ہے

تفصیلات کے مطابقایشیائی ترقیاتی بینک کی سالانہ آؤٹ لک رپورٹ میں کہاگیاہےکہ رواں مالی سال کےدوران پاکستان میں مہنگائی کی شرح 11.5 فیصدرہےگی اورکھانے پینےکی قیمتوں میں اضافہ ہوگا جبکہ ڈالرکےمقابلےمیں روپے کی قدر 9.8 فیصد کمی متوقع ہے ۔

رپورٹ کےمطابق پاکستان کی معیشت 2020 میں دباؤمیں رہےگی اوررواں سال پاکستان کی معاشی شرح نمو 2.6 فیصدرہے گی۔

ایشیائی ترقیاتی بینک کی آؤٹ لک رپورٹ کےمطابق اقتصادی استحکام کےلیےاقدامات زرعی پیداوارمیں کمی اورکورونا وائرس کےباعث شرح نمومیں کمی ہوئی جبکہ آئندہ مالی سال پاکستان کی شرح نمو 3.2 فیصدہوگی۔

آؤٹ لک رپورٹ میں کہاگیاہےکہ حکومت کےسخت اقدامات کےباعث جاری کھاتوں کےخسارے میں نمایاں کمی ہوئی،رواں مالی سال جاری کھاتوں کاخسارہ کم ہوکرجی ڈی پی کے 2.8 فیصدکےبرابررہےگا۔

ایشیائی ترقیاتی بینک کی سالانہ رپورٹ میں کہاگیاہےکہ آئندہ مالی سال پاکستان میں مہنگائی کی شرح 8.3 فیصدرہنےکااندازہ ہے۔

رپورٹ میں یہ بھی کہاگیاہےکہ کوروناوائرس پرقابو پانےکےلیےپوری پاکستانی قوم کومتحدہوکرکام کرناہو گا،حکومت ک احساس پروگرام سے کورونا وائرس کے برے اثرات کو محدود کرنے میں مدد ملے گی۔