اسٹیٹ بینک آف پاکستان نےکوروناوائرس کے پیش ِنظربینکوں کی شاخوں میں رش کم رکھنےکےلیے چیک سےلین کی سہولت آسان کرنےکااعلان کردیاہے۔

اسٹیٹ بینک کی جانب سےڈائریکٹ چیک ڈپازٹ سہولت متعارف کرانےکےبعداب کسٹمرزچیک سے ادائیگی کرنےوالوں کےبینک سےبراہ راست وصولی کرسکیں گے،کسٹمر کوچیک اپنےاکاؤنٹ میں جمع کرانے کی ضرورت نہیں ہوگی اوررقم ادا کرنےوالا بینک چیک کی تصدیق کرکےوصول کنندہ کےاکاؤنٹ میں آن لائن رقم منتقل کرسکےگا۔

اسٹیٹ بینک کی جانب سے جاری سرکلرکےمطابق چیک کی کلیرنس کادورانیہ چند منٹوں تک محدودکردیا گیاہےاس سے قبل چیک اپنےاکاؤنٹ بنیں جمع کرانےوالےکھاتےداروں کو24گھنٹےانتظارکرناپڑتاتھا۔

تاہم ، چیک سےرقوم کی وصولی چندمنٹوں میں ممکن ہوگی،چیک کی ادائیگیاں رئیل ٹائم گراس سیٹلمنٹ سسٹم یا اوردی کاؤنٹربنیادوں پرکی جائیں گی،دونوں اکاؤنٹس آن لائن ہونےکی صورت میں رقم اسی وقت آن لائن بھی منتقل ہوسکےگی۔

اس کےعلاوہ اسٹیٹ بینک نےبینکوں کوکسٹمرزکےگھروں سےچیک وصول کرنےکی بھی اجازت دےدی ہے،کسٹمرکی درخواست پربینک رجسٹرڈ پتہ سےچیک وصول کرسکیں گے۔

اس کےعلاوہ بینکوں کی شاخوں پرچیک جمع کرانےکےلیےخصوصی باکس بھی نصب کیےجائیں گےکسٹمرزمخصوص شاخوں پرلگے ڈبوں میں بھی چیک جمع کرسکیں گے،جبکہ کارپوریٹ ادارےاسکین شدہ چیک ای میل یا بینک کی موبائل ایپلی کیشن کے زریعے بھی جمع کرسکیں گے۔