فیس بک نےنئی ویڈیوچیٹ سروس“میسنجررومز ”متعارف کرادی ہے جس میں  بیک وقت 50 افرادبات کرسکتےہیں۔

 فرانسیسی خبررساں ادارے کےمطابق نئی چیٹ سروس فیس بک میسنجرکےذریعے استعمال کی جاسکےگی اورویڈیو کال میں وہ انٹرنیٹ صارفین بھی شامل ہو سکیں گےجن کافیس بک پراکاؤنٹ نہیں ہے۔

کمپنی تواس فیچرکواپنی دیگرمیسجنگ ایپس انسٹاگرام ڈائریکٹراورواٹس ایپ کاحصہ بنانےکاارادہ بھی رکھتی ہے ۔

ویڈیوچیٹ روم میں شامل ہونےکےلیےفیس بک اکاؤنٹ ہوناضروری نہیں اورنہ ہی میسنجر ایپ ڈاؤن لوڈ کرنےکی ضرورت ہوگی۔

کمپنی کےمطابق  لاک ڈاؤن کی وجہ سےفیس بک کی میسجنگ سروسزمیں بھی ویڈیو کالنگ کرنےوالےافراد کی تعداد میں نمایاں اضافہ ہوااوریہی وجہ ہےکہ اس نئےفیچرکومتعارف کرایاگیاہے۔

اس  حوالےسےفیس بک کےبانی مارک زکربرگ کاکہناہےکہ یہ نیاٹول فیس بک کی ان کوششوں کاحصہ ہےجس کامقصدصارفین کوویڈیوکوذریعےایک دوسرےسےجڑنےکاموقع فراہم کرنا ہے۔

مارک زکربرگ نےمزیدکہا’اس کا مقصد صرف کسی کوکال کرنا نہیں، بلکہ یہ ایک پرائیویٹ سوشل پلیٹ فارم کابلڈنگ بلاک ہے جس کومتعددمقاصدکےلیےاستعمال کیاجاسکتا ہے’۔

فیس بک نے یقین دہانی کرائی ہےکہ وہ صارفین کی کالزکونہیں سنتی اورلوگوں کوپرائیویسی پرکنٹرول حاصل ہے۔

فیس بک کےمطابق 70 کروڑسےزائد صارفین روزانہ فیس بک میسنجراورواٹس ایپ پرآڈیواورویڈیو کالز کرتے ہیں اور کچھ ممالک میں کورونا وائرس کی وبا کے دوران کالز کی شرح میں دگنا اضافہ ہوا ہے۔