پاکستان شوبز انڈسٹری سے کنارہ کشی اختیار کرنے والے اداکار فیروز خان نے اپنا یوٹیوب چینل لانچ کرنے کا فیصلہ کرلیا۔

سماجی رابطے کی ویب سائٹ ٹوئٹر پر اداکار نے مداحوں کو خوشخبری سناتے ہوئے کہا کہ وہ جلد اپنا یوٹیوب چینل لانچ کرنے جارہے ہیں۔

مداحوں نے بھی اپنے پسندیدہ اداکار کی اس ٹوئٹ کا جواب دیتے ہوئے انہیں بھرپور سراہا، فیروز خان اپنے اس چینل کے ذرریعے مذہبی تعلیمات کے حوالے سے بات کریں گے۔

– guess who’s dropping a YouTube channel soon ? 🙌🏻

Advertisement

— Feroze Khan (@ferozekhaan) April 11, 2020

خیال رہے کہ اداکار نے گزشتہ ماہ شوبز چھوڑ کرمذہبی تعلیمات کے مطابق زندگی گزارنے کا اعلان کیا تھا۔

جس کے بعد اداکار نے بتایا تھا کہ وہ جلد اپنا ملبوسات کا برانڈ لانچ کرنے جارہے ہیں اور یہی ان کی کمائی کا ذریعہ ہوگا۔

اداکار نےایک انٹرویو میں بتایا تھا کہ وہ ایسے ڈراموں یا پروجیکٹس کا حصہ تو ضرور بنیں گے جس کے ذریعے لوگ کچھ نا کچھ سیکھ سکیں،البتہ وہ ڈرامے جن کی کہانیاں بےبنیاد ہوں وہ ان کا حصہ نہیں بنیں گے۔

خیال رہے کہ فیروز خان نے 2014 کے بعد اداکاری کی شروعات کیں اور انہوں نے اب تک ایک درجن تک ڈراموں میں کام کیا، ان کے مقبول ڈراموں میں ’گل رعنا، چپ رہو، تم سے مل کے، وہ ایک پل اور دل کیا کرے‘ شامل ہیں۔

فیروز خان نے ’زندگی کتنی حسین ہے‘ اور ’ٹچ بٹن‘ جیسی فلموں میں کام بھی کیا ہے، ان کی فلم ’ٹچ بٹن‘ رواں سال عید پر ریلیز ہوگی