فواد چوہدری اور رویت حلال کمیٹی کے چیئرمین مفتی منیب الرحمان کے درمیان چاند کی رویت کے معاملے پر شروع ہونے والا تنازع شدت اختیار کرتا جا رہا ہے۔

تفصیلات کے مطابق وفاقی وزیر برائے سائنس و ٹیکنالوجی فواد چوہدری نے سماجی را بطے کی ویب سائٹ ٹوئٹر پر ایک پیغام جاری کیا ہے جس میں انھو ں نے شہرہ آفاق ترک ڈرامہ سیریز ’ارطغرل غازی‘ کا حوالہ دیتے ہوئے کامیاب ریاست کے بنیادی اصول بتائے ہیں۔

ارطغرل غازی کے تیسرے سیزن سے نئ ترک ریاست کی جدوجہد کا آغاز ہوتا ہے، ارطغرل نے پہلا اصول جو اپنے ساتھیوں کو بیان کیا وہ ابن العربی کی یہ نصیحت تھی کہ کامیاب ریاستوں کو سائنسدان، آرٹسٹ اور تاجر چاہئیں جو مضبوط ریاست کی بنیاد فراہم کرتے ہیں۔ #Artugulghazi

— Ch Fawad Hussain (@fawadchaudhry) May 25, 2020

فواد چوہدری نے لکھا ہے کہ ارطغرل غازی کے تیسرے سیزن سے نئی ترک ریاست کی جدوجہد کا آغاز ہوتا ہے، ارطغرل نے پہلا اصول جو اپنے ساتھیوں کو بتایا وہ ابن العربی کی یہ نصیحت تھی کہ کامیاب ریاستوں کو سائنسدان، آرٹسٹ اور تاجر چاہیے جو مضبوط ریاست کی بنیاد فراہم کرتے ہیں۔

واضح رہے کہ چاند دیکھنے کے معاملے پر شروع ہو نے والا تنازع اب شدت اختیار کر گیا ہے جبکہ مفتی منیب الرحمان کا اس سلسلے میں کہنا ہے کہ وفاقی وزیر کو دینی معاملات میں مداخلت نہیں کرنی چاہیے۔

 چیئرمین رویت ہلال کمیٹی مفتی منیب الرحمان نے شوال کا چاند دیکھنے کے لیے منعقد اجلاس میں وزیراعظم عمران خان سے مطالبہ بھی کیا تھا کہ فواد چوہدری کو مداخلت دین سے روکیں۔