کورونا وائرس: ایک ہی دن میں 40 افراد جاں بحق،مرنے والوں کی تعداد526 ہوگئی

ثمرا مظہر

06th May, 2020. 11:55 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کورونا وائرس: ایک ہی دن میں 40 افراد جاں بحق،مرنے والوں کی تعداد526 ہوگئی

ملک بھر میں کورونا کے مزید کیسز سامنے آئے ہیں جب کہ جاں بحق افراد کی تعداد 526 تک پہنچ گئی ہے۔

نیشنل کمانڈ اینڈ آپریشن سینٹر کے جاری اعداد و شمار کے مطابق گزشتہ 24 گھنٹوں کے دوران ملک بھر میں کورونا کے 10 ہزار 178 ٹیسٹ کئے گئے جب کہ ایک ہزار 49 افراد میں اس کی تصدیق ہوئی۔ اس طرح ملک بھر میں کورونا کے مصدقہ مریضوں کی مجموعی تعداد 22 ہزار 550 ہوگئی ہے۔ ملک میں کورونا وائرس کے 6 ہزار 217 مریض صحت یاب ہو چکے ہیں۔

نیشنل کمانڈ اینڈ آپریشن سینٹر کے مطابق پنجاب میں کورونا وائرس سے متاثرہ مریضوں کی تعداد 8693 ہے، سندھ میں 8189، خیبرپختونخوا میں 3499، بلوچستان میں 1495،اسلام آباد 485، گلگت بلتستان میں 386 اور آزاد کشمیر 76 میں کورونا کے مصدقہ مریضوں کی تعداد ہوگئی ہے۔

نیشنل کمانڈ اینڈ آپریشن سینٹر کے مطابق گزشتہ 24 گھنٹوں کے دوران ملک بھر میں کورونا کے 40 مریض زندگی کی بازی ہار گئے جس کے بعد اس وائرس سے جاں بحق افراد کی تعداد 526 ہوگئی ہے۔

سرکاری اعداد وشمار کے مطابق سب سے زیادہ خیبرپختونخوا میں 194 اموات ہوئی ہیں۔ سندھ میں 148، پنجاب میں 156، بلوچستان 21، اسلام آباد میں 4، جبکہ گلگت بلتستان میں 3 افراد جاں بحق ہوئے۔ ملک بھر میں کورونا کے 143 مریضوں کی حالت تشویشناک ہے۔