کراچی کے جناح اسپتال کے آئیسولیشن وارڈ میں مشتعل افراد نے گھس کر توڑ پھوڑ کی ہے۔

تفصیلات کے مطابق مشتعل افراد کی جانب سے توڑ پھوڑاس وقت کی گئی جب کورونا وائرس سے متاثرہ ایک مریض کی موت کے بعد اسپتال انتظامیہ نے مریض کے اہلِ خانہ کو میت دینے سے انکار کردیا۔

مشتعل افراد مریض کی میت اسپتال کے آئیسولیشن وارڈ سے لے جانے میں کامیاب رہے تھے تاہم موقع پر رینجرز اہلکاروں نے پہنچ کرمیت کو واپس وارڈ میں منتقل کردیا۔

آاسپتال کے آئیسولیشن وارڈ میں حملےمیں شیشے توڑ دیے گئےجبکہ فرنیچر اور پنکھےبھی  زمین پر پڑے نظر آئے، کاؤنٹر پر نصب شیشے کی کھڑی بھی توڑ دی گئی۔

جناح اسپتال کی ایگزیکٹو ڈائریکٹرڈاکٹر سیمی جمالی کا کہناہے کہ ہیلتھ کئیر میں گھس  کر مشتعل کارروائی میں پولیس نے8 سے9افراد کو گرفتارکرلیاہے۔

ڈاکٹر سیمی جمالی نے بتایا کہ 60 سالہ شخص کو ڈاؤ یونیورسٹی اوجھا کیمپس سے تشویشناک حالت میں جناح ہسپتال لایا گیا تھا۔ مریض کوسانس لینے میں تکلیف اور مشکل کاسامناتھا، بخار اور کھانسی بھی تھی۔

انہوں نے بتایا کہ اس سلسلے میں مریض کے اہلخانہ سے بھی مشاورت کی گئی۔

ڈاکٹر سیمی جمالی نے بتایاکہ تیمارداروں کو بالائی منزل پر جانےکی اجازت نہیں تھی جہاں مریض زیر علاج تھا لیکن ان کے انتقال کے بعد ہسپتال کے باہر ایک بڑا مجمع لگ گیا اور پھر انہوں نے وارڈ میں گھس کر توڑ پھوڑ کی۔