رواں سال نویں اور گیارہویں کے امتحانات نہیں ہونگے

ثمرا مظہر

14th May, 2020. 05:07 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

رواں سال نویں اور گیارہویں کے امتحانات نہیں ہونگے

وفاقی وزیر تعلیم شفقت محمود نے کہا ہے کہ رواں سال نویں اور گیارہویں کے امتحانات نہیں ہونگے ،جن بچوں کے پاس نویں اور گیارہویں کے رزلٹ موجود ہیں ان کو دسویں اور بارہویں میں ترقی دے دی گئی ہے، یہ طلبا اگلے سال دسویں اور بارہویں کے امتحانات دیں گے۔
تفصیلات کے مطابق وفاقی وزیر تعلیم نے کہا کہ طلباکو نویں اور گیارہویں کے مضامین کلیئر ہیں ان کو پروموٹ کر دیا جائے گا، ان بچوں کے پچھلی سال کے نمبر کیلکولیٹ کیے جائیں گے،ہم نے اکثر دیکھا ہے نویں کی بجائے دسویں کا رزلٹ بہتر ہوتا ہے، اس لئے ہم نے فیصلہ کیا کہ طلبا کے نمبروں میں تین فیصد اضافہ کیا جائے گا۔
شفقت محمود نے کہا کہ چالیس فیصد مضامین میں فیل طلبا کو پاسنگ مارکس دیے جائیں گے،گیارہویں اور بارہویں کے ایک ساتھ امتحانات دینے والے کے مخصوص امتحانات ہونگےجو کہ ستمبر اور نومبر میں ہونگے،گیارہویں میں اپنے رزلٹ سے مطمئن نہ ہونے والے طلبا بھی مخصوص امتحان دے سکیں گے،جن کے پاس گیارہویں کا رزلٹ نہیں ان کے بھی امتحانات ہونگے۔
وفاقی وزیر نےمزید کہا کہ جو چند مضامین کے امتحانات دینا چاہتے ہیں وہ بھی مخصوص امتحانات میں شامل ہوسکیں گے۔