جھنگ کے مختلف علاقوں میں ٹڈی دل کے حملے کے باعث کھڑی فصلیں کو شدید نقصان پہنچا ہے۔

جھنگ کے ڈپٹی کمشنر طاہر وٹو کاکہناہے کہ متاثرہ علاقوں میں زرعی ماہرین کی معاونت سے آپریشن شروع کردیا ہے۔چند روز قبل ٹڈی دل لیہ کےحملے نے نشیبی علاقوں میں کھڑی فصلوں کوشید نقصان پہنچایا ۔

ٹڈی دَل کے وار لیہ کے نشیبی علاقے کھوکھر والا، شاہ والا، بیٹ گجی اور بکھری احمد خان میں جاری ہیں۔ حملے میں گندم، مرچ  اور ٹماٹر کی فصلیں متاثر ہوئیں، کاشتکار اپنی مدد آپ کے تحت ڈھول اور برتن بجا کر ٹڈی کو بھگانے میں مصروف رہے۔

محکمہ ذراعت کاکہناہے کہ ٹڈی دل کی نقل وحمل کو مانیٹر کیا جا رہا ہے۔اس سے قبل بلوچستان کے ضلع بارکھان میں ٹڈی دل کے حملے میں فصلیں تباہ ہو گئیں۔

بارکھان کی فصلوں پر ٹڈی دل کے حملے میں کپاس کی فصل کو شدید نقصان پہنچا تھا جبکہ مرچ، پیاز اور ٹماٹر کی فصلیں بھی تباہ ہوگئیں۔

محکمہ زراعت کی جانب سے متاثرہ علاقوں میں اسپرے کا عمل شروع کر دیا گیا۔

خیال رہے کہ گزشتہ ہفتے سندھ کے ضلع نواب شاہ میں ٹڈی دَل نے فصلوں پر حملہ کر دیا تھا۔ جس کے باعث کپاس، گنا، جوار اور پیاز کی فصل کو نقصان پہنچا۔

نواب شاہ کی یونین کونسل اباوڑی ساوڑی، سھیلو اور سومر جمالی میں ٹڈی دَل نے حملہ کیا تھا۔ جس کی وجہ سے کھڑی فصلوں کو شدید نقصان پہنچا۔

کاشتکاروں کا کہنا تھا کہ ٹڈی دَل کے فصلوں پر حملے نے ہمیں پریشان کر دیا ہے۔ حکومت ٹڈی دَل کے خاتمہ کے لیے اسپرے کرے۔