سعودی عرب میں کورونا وائرس کےباعث لاک ڈاؤن کی وجہ سےعدالتیں بھی بندہوچکی ہیں جس کےبعداب تک 500سےزائدآن لائن نکاح ہوچکےہیں ۔
عرب میڈیا کےمطابق سعودی عرب کی وزارت انصاف کےمطابق 16 مارچ سےعدالتوں میں عملےکی حاضری معطل ہونےکے بعد سےاب تک ریاض شہرمیں نکاح کی 542 کارروائیاں مکمل کی گئیں۔
یہ کارروائیاں فاصلاتی طریقہ کارکے تحت “ناجز” گیٹ وے کےذریعےعمل میں آئیں۔ اس دوران فریقین کوعدالت میں آنےکی ضرورت نہیں پیش آئی۔
وزارت انصاف نے کچھ عرصہ قبل “ناجز”گیٹ وےکےذریعے نکاح کےبرقی اندراج کاعمل متعارف کرایاتھا۔ اس کا مقصد نکاح کرنےوالے فریقین کوآسانیاں پیش کرنااوران کے وزارت انصاف کےدفاتریاان کی شاخوں میں حاضرہوئےبغیرنکاح کی سرکاری کارروائی مکمل کرنا ہے۔
اس خدمت میں متعدد خصوصیات فراہم کی گئی ہیں۔ ان میں رجسٹرڈ نکاح خواں کےانتخاب کوآسان بنانا، ویب سائٹ کےذریعے نکاح کےلیےتاریخ اوروقت کی بکنگ کرنا،وزارت انصاف کےدفاترسےرجوع کیےبغیرویب سائٹ کےذریعے کارروائی کی تصدیق کرانااورنکاح سے متعلق معلومات اورکوائف کوتصدیقی کارروائی میں داخل کرناشامل ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
