بابری مسجد کے مقام پر مندر کی تعمیر شروع، دفتر خارجہ کی مذمت

ثمرا مظہر

28th May, 2020. 10:27 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بابری مسجد کے مقام پر مندر کی تعمیر شروع، دفتر خارجہ کی مذمت

بابری مسجد کی جگہ رام مندر کی تعمیر شروع کرنے پر پاکستان کی جانب سے مذمت کی گئی ہے، دفترخارجہ پاکستان نے کہا کہ دنیا کورونا وبا سے لڑرہی ہےجبکہ بھارت ہندوتوا ایجنڈے پر عمل پیرا ہے۔

دفترخارجہ کے مطابق بھارتی سپریم کورٹ کا فیصلہ انصاف کے تقاضے پورے کرنے میں پوری طور پرناکام رہا، اقلیتوں کو مذہبی آزادی نہ ملنا بھارتی سیکولرازم کے جھوٹے دعوے کو بے نقاب کرتا ہے۔

ترجمان دفتر خارجہ نے او آئی سی کے سفیروں کے اجلاس سے متعلق بھارتی میڈیا کی من گھڑت رپورٹس بھی مسترد کر دیں اور کہا کہ پاکستانی نمائندے نے مقبوضہ کشمیر اور بھارت میں مسلمانوں پر ریاستی سرپرستی میں تشدد کا ذکر کیا۔

خیال رہے کہ اس سے قبل وزیرخارجہ شاہ محمود قریشی کا ایک بیان میں کہنا تھا کہ بھارتی ارادےکسی صورت بھی خیر کے نہیں اور اچھے دکھائی نہیں دیتے، مقبوضہ کشمیر میں بھارتی مظالم کسی سے ڈھکے چھپے نہیں ہیں۔

وزیرخارجہ نے کہا کہ بھارت افغانستان کی سرزمین کو پاکستان کے خلاف استعمال کرتا رہا ہے اور نیپال کے ساتھ بھی بھارت کا جارحانہ سلوک دنیا سے پوشیدہ نہیں۔