عامر لیاقت ایک مرتبہ پھرتنقید کی زد میں آگئے!معروف اسکالر اور ممبر قومی اسمبلی عامر لیاقت کی ایک اور بات نے ایک مرتبہ پھر سوشل میڈیا پر تہلکہ مچا دیا۔

عامر لیاقت نجی ٹی وی چینل پر رمضان ٹرانسمیشن میں میزبانی کررہے ہیں۔ گزشتہ روز انہوں نے پاکستان شوبز دنیا کے معتبر نام اداکار عدنان صدیقی کو اپنے پروگرام میں بطور میزبان مدعو کیا۔شو کے دوران سوال جواب کے ایک سیشن جس میں میزبان اپنے مہمان سے سوالات کرتا ہے، عامر لیاقت نے بے حسی کا مظاہرہ کرتے ہوئے اداکار عدنان صدیقی کو ایک ایسا جملہ کہہ ڈالا جس کے باعث انہیں ایک مرتبہ پھر شدید تنقید کا نشانہ بنایا جارہا ہے۔

عامر لیاقت نے ٹرانسمیشن کے دوران عدنان صدیقی سے بالی ووڈ کے ان اداکاروں کا ذکر کیا جو اس دنیا میں نہیں رہے۔ عامر لیاقت نے کہا کہ آپ نے دو زندگیاں بچا لی ہیں جس میں ایک بالی ووڈ اداکارہ رانی مکھرجی ہیں جبکہ دوسری بپاشہ باسو ہیں جن کے ساتھ آپ نے فلم کرنے سے انکار کردیا تھا۔

انہوں نے کہا کہ جن دو اداکاروں کے ساتھ آپ نے کام کیا وہ اس دنیا سے ہی چلے گئے جس میں بالی ووڈ اداکارہ سری دیوی اور حال ہی میں فوت ہونے والے اداکار عرفان خان شامل ہیں۔عامر لیاقت نے عدنان صدیقی سے سوال کیا کہ ایسا کیوں کہ آپ جس اداکار کے ساتھ کام کرتے وہ مرجاتا ہے۔

Advertisement

Amir liaqat spoke very foolishly, and tried to attribute the death of man to "Adnan Siddiqui". But he responded very well. pic.twitter.com/JU9bTRCq48

— Malik Usman (@UM_Speaks) May 2, 2020

اداکار عدنان صدیقی نے اس سوال پر انتہائی عاجزانہ اور عامر لیاقت کو بھرپورجواب دیتے ہوئے مداحوں کے دل جیت لیے، انہوں نے کہا کہ میں دل سے ان کے لیے غمزدہ ہوں اور یہ بات میرے لیے مذاق نہیں۔

۔شو کی ویڈیو کلپ سوشل میڈیا پر زیر گردش ہے جس پر لوگوں کی جانب سےغیر ذمہ دارانہ سوال پر عامر لیاقت پر شدید تنقید کی جارہی ہے۔صارفین کا کہناہے کہ کسی کی موت کا مذاق بنانا اخلاق سے گری  ہوئی  بات ہے خاص طور پر رمضان ٹرانسمیشن میں ایسا نہیں ہونا چاہیئےتھا۔