دنیاکی بلندترین عمارت اب ضرورت مندوں کےلیےامداد میں  اپناحصہ ڈالےگی۔

جی  ہاں! دنیا کی بلند ترین عمارت برج  خلیفہ اب ضرورت مندوں کے لیے دی جانے والی امداد سےروشن ہوگی، دبئی کا برج خلیفہ دنیا کابلند ترین ڈونیشن باکس بن گیا ہے۔

بلند  ترین ڈونیشن باکس محمد بن راشد المکتوم گلوبل انیشی ایٹواوربرج الخلیفہ کے اشتراک سے شروع کیا گیا،جس کا مقصد یواے ای کی ’10 ملین کھانے’کی مہم کے ساتھ تعاون ہے۔

Burj Khalifa lights up to help light up the lives of the most affected by the global pandemic. Together the impossible is possible. Visit https://t.co/rMcq2trKmR to donate. #1Light1Meal #WorldsTallestDonationBox@MBRInitiatives pic.twitter.com/c1vkI0e9Hm

Advertisement

— Burj Khalifa (@BurjKhalifa) May 3, 2020

اس سلسلے میں 12 لاکھ ایل ای ڈی لائٹوں پر مشتمل 828 میٹر بلند عمارت میں 10 درہم عطیہ کرنے پر ایک ایل ای ڈی بلب روشن کیا جائے گا جبکہ   اب تک 1 لاکھ 80 ہزار لائٹیں روشن ہو چکی ہیں۔

حکومت کی جانب سے  لوگوں سے اس مہم میں ایک وقت کے کھانے کے لیے دس درہم کے عطیے کی اپیل کی گئی ہے، ایک عطیے پر برج الخلیفہ پر ایک لائٹ روشن کر دی جاتی ہے، اس طرح پوری عمارت روشن کی جائے گی۔

عمارت پر لگی لائٹیں نہ صرف انفرادی سطح پر بلکہ کمپنیاں بھی دس درہم پر خرید سکتی ہیں، اس رقم سے یو اے ای میں کورونا وبا کی وجہ سے کھانے سے محروم لوگوں کو خوراک فراہم کی جائے گی۔