سعودی عرب میں حکومت نےآج سےمسجدالحرام  اورمسجدنبوی  ﷺ کھولنےکااعلان  کیاہے۔

سعودی میڈیاکےمطابق سعودی حکومت نےحرمین شریفین کوکھولنےکےلیےاحتیاطی تدابیربھی جاری کردی ہیں جس کے تحت حرمین شریفین میں آنےوالوں کوجائےنمازساتھ لاناہوگاجبکہ مسجدمیں رکھےقرآن پاک کےنسخےاستعمال کرنےکی ممانعت ہوگی۔

نمازیوں کوفاصلہ برقراررکھنےکی ہدایت کی گئی ہےجبکہ بیت الخلابندرکھےجائیں گے۔

احتیاطی تدابیر کےتحت نمازکےلیےآنےوالوں کےلیےماسک پہننا لازمی قراردیا گیا ہے۔

دوسری جانب ابھی تک عیدکی نمازاورنمازتراویح پرپابندی برقرارہے۔

واضح رہےکہ کوروناوائرس کےپھیلاؤکوروکنےکےلیےگزشتہ ماہ حرمین شریفین میں عام نمازیوں اورمعتمرین کےداخلےپر پابندی عائدکردی گئی تھی۔

 جبکہ رمضان سےقبل سعودی عرب میں سخت لاک ڈاؤن نافذتھاتاہم رمضان کی وجہ سےمملکت میں لاک ڈاؤن میں نرمی کردی گئی ہے۔

مسجدالحرام اورمسجد نبوی میں صرف عملےکوحکومتی ہدایات کےمطابق مختصرکرکے 10 رکعت تک پڑھائی جارہی ہے۔ تاہم حکومت نےہدایات کی تھیں کہ تراویح میں عام نمازیوں کےبجائےمساجدکےملازمین ہی شرکت کریں۔

سعودی حکومت نےکوروناوائرس کےباعث عمرے پربھی عارضی پابندی عائد کررکھی ہےجبکہ تاحال سعودی حکومت نےکسی بھی ملک سےحج کامعاہدہ بھی نہیں کیاہے۔