وزیراعلیٰ سندھ سید مراد علی شاہ نے تفتیش کے دوران قومی احتساب بیورو(نیب) کو بتایا ہے کہ سولر لائٹس منصوبے کی منظوری آئین اور قانون کے مطابق دی گئی تھی۔
تفصیلات کے مطابق مرادعلی شاہ آج نیب راولپنڈی میں پیش ہوئے، ان سے جعلی اکاؤنٹ اورسندھ روشن پروگرام کیس کے متعلق تفتیش کی گئی۔
ڈی جی نیب راولپنڈی عرفان منگی کی سربراہی میں جے آئی ٹی نے سوالات پوچھے۔
ذرائع کے مطابق پیشی کے بعد میڈیا سے گفتگو کرتے ہوئے وزیراعلیٰ سندھ نے بتایا کہ نیب نے سولرلائٹس منصوبے کے حوالے سے وضاحت کے لیےبلایا تھا، اسٹریٹ لائٹس لگانے کےمنصوبے کی انکوائری تھی۔
وزیر اعلیٰ سندھ نے کہا کہ ابھی مجھے سوالنامہ نہیں دیا گیا لیکن کہا گیا ہے کہ مجھے سوالنامہ دیا جائے گا۔
Advertisement
ہم پریشر میں نہیں آتے ، نیب نے طلب کیا تو آئے ہیں۔
وزیراعلیٰ سندھ کا کہنا تھا کہ سولرلائٹس منصوبے کےوقت میں وزیرخزانہ تھا، نیب نے پوچھا کہ بجٹ میں جو اسکیم شامل نہیں تھی منظوری کیوں دی گئی؟
ان کا کہنا تھا کہ بجٹ میں شامل نہ ہونے والی اسکیم کی بھی آئین کے مطابق اجازت دی جاسکتی ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
