تیرہویں صدی میں اسلامی فتوحات پر مبنی مشہور ترک ڈرامے ’ارطغرل غازی‘ نے جہاں پاکستانیوں کو اپنے سحر میں جکڑا ہوا ہے تو وہیں مقبوضہ کشمیر کے عوام پر بھی اِس تاریخی ڈرامے کا ایسا اثر ہوا ہے کہ والدین نے اپنے نوزائیدہ بچے کا نام ہی ’ارطغرل‘ رکھ دیا ہے۔

اِس سیریز کا مرکزی کردار ایک بہادری جنگجو ’ارطغرل‘ ہے جس نے ایمان کی طاقت، اللّہ پر یقین اور اپنی بہادری سے منگولوں، صلیبیوں جیسے دشمنوں کو شکست دی۔

 مائیکرو بلاگنگ سائٹ ٹوئٹر پرطاہر نامی صارف نے نوزائیدہ بچے کی پیدائش کے بعد بننے والے اسپتال کارڈ کی تصویر شیئر کی جس میں دیکھا جاسکتا ہے کہ مقبوضہ کشمیر میں مقیم والدین نے اپنے بیٹے کا نام ’ارطغرل غازی‘ کے مرکزی کردار ’ارطغرل‘ کے نام پر رکھا ہے۔

Probably, this is the first case of a Kashmiri child being named after the protagonist of the widely popular Turkish series Dirilis: Ertuğrul (Resurrection). #ErtugrulGhazi #Kashmir #Turkey pic.twitter.com/UVJtvwFejx

Advertisement

— M Tahir (@TahirFiraz) June 2, 2020

صارف کا کہناہے کہ ’یہ مقبوضہ کشمیر میں پہلا واقعہ ہوا ہے کہ نومولود بچے کا نام مشہور ترک سیریز کے مرکزی کردار ’ارطغرل‘ سے منسوب کرکے رکھا گیا ہے۔‘

دوسری جانب مقبوضہ کشمیر کے ماہر امراض اطفال کا کہنا ہے کہ بچے کے والدین بڑے ہی شوق سے ترکش سیریز دیکھتے تھے اور یہی وجہ ہے کہ اُنہوں نے اپنے بیٹے کا نام ’ارطغرل‘ رکھا ہے۔

ماہر اطفال  اور صدر ڈاکٹرز ایسوسی ایشن مقبوضہ کشمیر ڈاکٹر سہیل نائک نے بتایا کہ اُنہوں نے دیکھا تھا کہ موسم سرما کے دوران مقبوضہ کشمیر میں جانوروں کی کھال سے تیار کردہ ایک خاص ٹوپی خرید و فرخت کی جارہی تھی۔

ڈاکٹر سہیل نائک نے بتایا کہ اُنہیں لگا کہ یہ شاید کوئی فیشن ہے لیکن جب اُنہوں نے خود ترک سیریز ـ’ارطغرل غازی‘ دیکھنا شروع کی تو اُنہیں معلوم ہوا کہ یہ ٹوپیاں تو ارطغرل اور اُس کے سپاہی پہنا کرتے تھے۔

یاد رہے کہ پاکستان کی طرح مقبوضہ کشمیر میں بھی ’ ارطغرل غازی‘ لاک ڈاؤن کے دوران زیادہ مقبول ہوا ہے اور کشمیر عوام بڑے ہی پُرجوش انداز میں اس ترک سیریز سے لطف اندوز ہو رہے ہیں۔

یاد رہے کہ پاکستان کی طرح مقبوضہ کشمیر میں بھی ’ارطغرل غازی‘ لاک ڈاؤن کے دوران زیادہ مقبول ہوا ہے اور کشمیر عوام ترک سیریز کو بھرپور طور پر انجوائے کررہے ہیں۔

 وجہ ہے کہ اسلامی تاریخ پر مبنی اِس تُرک سیریز کو پاکستان سمیت دُنیا بھر کے مسلم ممالک میں خوب پذیرائی حاصل ہو رہی ہے ۔