وزیراطلاعات پنجاب فیاض الحسن چوہان نے کہا ہے کہ شہباز شریف کی بیان بازی ڈرائنگ روم سیاست کا عملی نمونہ بن چکی ہے، ان کی حکومت پر تنقید ہوا میں تیر چلانے کے مترادف ہے۔
لاہور میں میڈیا سے بات چیت کے دوران صوبائی وزیر نےبتایا کہ حکومت بیرون ملک میں پھنسے پاکستانیوں کو واپس لانےکے لیے ہر ممکن وسائل کو بروئے کار لارہی ہے اور اس سلسلے میں متحدہ عرب امارات سے 10 ہزار 5 سو پاکستانیوں کی واپسی کے لیے 46 اسپیشل فلائٹس چلائی جارہی ہیں۔
صوبائی وزیر نے آگاہ کیا کہ 15جون تک متحدہ عرب امارات سے تمام پاکستانیوں کو وطن واپس لایا جائے گا۔
انہوں نے اپنے بیان میں مزید کہا کہ حال ہی میں جدہ سے 287، بغداد سے 248 پاکستانیوں کو وطن واپس لائے ہیں اور اس سلسلے میں بیرون ملک ہمارے سفارت خانے اپنے ہم وطنوں کو ہر ممکن سہولیات بھی فراہم کر رہے ہیں۔
انہوں نے مزید کہا کہ مسافروں سے درخواست ہےکہ وہ سفارت خانے سے تصدیقی کال آنے پر اپنی ٹکٹ کی قیمت ادا کریں۔
Advertisement
فیاض چوہان کا کہناتھا کہ پاکستان میں لینڈ ہونے والی ہر فلائٹ کے مسافر کامکمل ٹیسٹ کیا جاتا ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
