طبی ماہرین کی جانب سے فیس ماسک کے حوالے سے ایک نئی تحقیق سامنے آئی ہے۔

تفصیلات کے مطابق عالمی وبا کو رونا وائرس سے بچائو کےلئے استعمال کیے جا نے والے فیس ماسک  کے حوالے سے امریکہ کی نارتھ کیرولینا یونیورسٹی کی تحقیق میں بتایا گیا ہے کہ کورونا وائرس سب سے پہلے آپ کی ناک کے اندرونی نظام کو متاثر کرتا ہے جس کے بعد وہ آپ کے نظام تنفس فضا میں داخل ہوتے ہوئے اپنی نقول بنانا شروع کر دیتا ہے، اپنی افزائش کے دوران یہ وائرس آپ کے پھیپھڑوں میں پھنس کر رہ جاتا ہے جس کے بہت ہی مہلک نتائج برآمد ہوتے ہیں۔

تحقیق کرنے والے محققین کا اس حوالے سے کہنا ہے کہ ناک آپ کے جسم کا وہ حصہ ہے جہاں سے پھیپھڑوں کی بیماریاں پھیلنا شروع ہوتی ہیں لیکن اگر آپ فیس ماسک استعمال کرتے ہیں تو کورونا وائرس کے ساتھ ساتھ پھیپھڑوں کی دیگر بیماریوں کے پھیلنے کی شرح بھی نہ ہونے کے برابر ہو جاتی ہے۔

تحقیق کے دوران محققین نے کورونا وائرس کی پیش رفت میں بھی اہم کامیابی حاصل کی ہے کہ کیسے یہ وائرس آپ کے ناک کے ذریعے پیشرفت کرتے ہوئے شدت اختیار کرتا ہے؟

محققین کا اپنی تحقیق میں کہنا ہے کہ یہ وائرس آپ کے ناک کے خلیوں کو ابتدائی طور پر بہت بری طرح سے متاثر کرتا ہے جبکہ گلے اور پھیپھڑوں کے خلیوں کو متاثر کرنے کی اس وائرس کی شرح کم ہو جاتی ہے جبکہ سانس کے کچھ خلیات وائرس سے متاثر نہیں ہوتے جو حیران کن تھا۔