دنیا بھر میں کورونا وائرس سے متاثرہ افراد کی تعداد 79 لاکھ 95 ہزار 480 تک  جبکہ 4 لاکھ 35 ہزار 593 افراد  ہلاک ہوچکےہیں ۔

دنیا بھر میں کورونا وائرس کے 34 لاکھ 49 ہزار 827 مریض اسپتالوں، قرنطینہ مراکز میں زیرِعلاج اور گھروں میں آئسولیشن میں ہیں،جبکہ 41 لاکھ 10 ہزار 60 مریض صحتیاب ہو چکے ہیں۔

امریکا تاحال کورونا وائرس سے سب سے زیادہ متاثرہ ملک ہے جہاں کورونا وائرس سے اب تک 1 لاکھ 17 ہزار 853 افراد ہلاک  جبکہ متاثرہ  افراد   کی مجموعی تعداد 21 لاکھ 62ہزار 144 ہو چکی ہے۔

امریکا کے اسپتالوں اور قرنطینہ مراکز میں 11 لاکھ 76 ہزار 442 کورونا مریض زیرِ علاج ہیں  جبکہ 8 لاکھ 67ہزار 849 کورونا مریض اب تک شفایاب ہو چکے ہیں۔

برازیل میں  کورونا کے مریضوں کی تعداد 8 لاکھ 67ہزار 882تک جا پہنچی ہے جبکہ یہ وائرس 43ہزار 389زندگیاں نگل چکا ہے۔

روس میں کورونا وائرس سے کل اموات 6 ہزار 948ہو گئیں جبکہ اس سے  متاثرہ مریضوں کی تعداد 5 لاکھ 28 ہزار 964 ہو چکی ہے۔

بھارت میں بھی کورونا وائرس کے مریضوں کی تعداد میں تیزی سے اضافہ ہو رہا ہے اور وہ اس فہرست میں چوتھے نمبر پر آگیا ہے۔

بھارت میں کورونا وائرس سے 9 ہزار 520ہلاکتیں ہو چکی ہیں جبکہ اس سے متاثرہ مریضوں کی تعداد 3 لاکھ 33ہزار 8 ہو گئی۔

برطانیہ میں کورونا کے کیسز کی تعداد 2 لاکھ 95ہزار 889ہوچکی ہے جبکہ  اموات کی تعداد 41 ہزار 698ہوگئی ۔

اسپین میں کورونا کے اب تک 2 لاکھ 91 ہزار 8 کیسز رپورٹ ہوئے ہیں جبکہ اس وبا سے اموات 27 ہزار 136 ہو چکی ہیں۔

اٹلی میں کورونا وائرس کی وباء سے مجموعی اموات 34 ہزار 345 ہو چکی ہیں، جہاں اس وائرس کے اب تک کل کیسز 2 لاکھ 36 ہزار 989رپورٹ ہوئے ہیں۔

مختلف ممالک میں کورونا وائرس کی وباء کا زور ٹوٹ چکا ہے  جن میں  نیوزی لینڈ  اور   روس  بھی شامل  ہیں  جبکہی  چین میں کورونا  وائرس  کی  وبا ایک بار پھر سر اٹھانے  لگی ہے۔ پاکستان  اور  بھارت میں کورونا کے  مریضوں میں  تیزی  سے  اضافہ  ہور ہا ہے  ۔