سندھ بھر میں 10 سال کے 17  سو سے زائد بچوں میں عالمی وبا  کورونا کی تصدیق ہوچکی ہے۔

 تفصیلات کے مطابق ترجمان سندھ حکومت بیرسٹرمرتضی وہاب کا کہنا ہے کہ عالمی وبا کورونا وائرس سے سندھ بھر میں 10 سال کی عمر کے 17 سو 12 بچوں میں کورونا وائرس کی تصدیق ہوچکی ہے۔

مائیکرو بلاگنگ ویب سائٹ ٹوئٹرپر کورونا وائرصورتحال سے متعلق اپنے پیغام میں بیرسٹر مرتضی وہاب نے کہا کہ سندھ میں کوروناوائرس کے شکار دس سال کی عمر کے 4 معصوم بچے زندگی کی بازی ہار چکے ہیں۔

As of today, 1712 children under the age of 10 have been infected with #COVID19 in #Sindh. Unfortunately, 4 such children have passed away. Our carelessness has exposed our dearest children. Please its not too late to change, please stay home for ur children and elders

Advertisement

— SenatorMurtaza Wahab (@murtazawahab1) June 11, 2020

 ترجمان سندھ حکومت کا مزید کہنا تھا کہ غیر ذمہ داری اور احتیاطی تدابیر پر عمل نہ کرنے کا نقصان بچوں کو وائرس کی صورت میں ہوا ہے۔

انہوں نے اپنے پیغام میں کہا کہ صورتحال پر قابو پانے کے لیےاب بھی وقت ہاتھ سے نہیں نکلا، خدارا گھروں پر رہیں اور اپنے بزرگوں اور بچوں کا تحفظ کریں۔

مرتضی وہاب نے کہا کہ بحالت مجبوری گھروں سے نکلیں تو ماسک کا استعمال ضرور کریں، اب صرف احتیاط سے ہی کورونا وباء سے بچا جاسکتا ہے۔

واضح رہے کہ پاکستان میں کورونا سے متاثرہ مریضوں کی تعداد 1؎لاکھ سے بھی تجاوز کرچکی ہے جبکہ  2  ہزار 356 افراد زندگی کی بازی ہار چکے ہیں ۔