وزیراعلیٰ سندھ سید مراد علی شاہ کا کہناہے کہ گزشتہ 24 گھنٹوں کے دوران 9435 کورونا کے ٹیسٹ کیے گئے، جس میں 2655 نئے کیسز سامنے آگئے۔

  وزیراعلیٰ سندھ سید مراد علی شاہ نے کورونا وائرس کی صورتحال سے متعلق بیان دیتے ہوئے کہا کہ صوبہ بھر میں اب تک 453386 کورونا ٹیسٹ کیے جاچکے ہیں، ابتک 84656 کورونا وائرس کے کیسز رپورٹ ہوچکے ہیں۔

وزیراعلیٰ نے بتایا کہ مہلک وائرس کے باعث آج مزید 34 مریض انتقال کرگئے، کورونا سے اب تک 1377 مریض انتقال کرچکے ہیں۔

وزیراعلیٰ مرادعلی شاہ کا کہنا تھا کہ آج 1208 مزید مریض صحت یاب ہوکر گھروں کو چلے گئے، تاحال صحت یاب ہونے والے مریضوں کی تعداد 46824 ہوگئی ہے۔

انہوں نے بتایا کہ اس وقت 36455 کورونامیں مبتلامریض زیرعلاج ہیں، جن میں 34785 گھروں اور 166 آئسولیشن سینٹرز میں ہیں جبکہ اس وقت 1504 مریض مختلف اسپتالوں میں زیرعلاج ہیں۔

وزیراعلیٰ سندھ کے مطابق آج 708 مریضوں کی حالت تشویشناک اور 102 مریض وینٹی لیٹرز پر ہیں۔

مراد علی شاہ نے بتایا کہ کراچی میں آج 686  نئے کورونا کیسز رپورٹ ہوئے،ضلع شرقی میں 252، ضلع جنوبی 175 اور ضلع وسطی میں 107 مزید کیسز ظاہر ہوئےہیں۔

اس کے علاوہ ملیر میں 62، ضلع غربی 49 اور کورنگی میں 44 نئے کیسز رپورٹ ہوئے، جبکہ سندھ کے دیگر شہروں میں حیدرآباد میں 93، گھوٹکی میں 76، سکھر 74 اور جامشورو میں 45 نئے کیسز سامنے آئے۔

اسی طرح میرپورخاص اور خیرپور میں 34-34، ٹنڈوالہیار 32 اور جیکب آباد میں 28  مزید کیسز ظاہر ہوئے،سانگھڑ اور شہیدبینظیرآباد میں 23-23، لاڑکانہ میں 22 نئے کیسز، شکارپور اور قمبر میں 19-19، دادو  13 اور عمرکوٹ میں 12 نئے کیسز سامنے آئےہیں۔

وزیراعلیٰ کے مطابق بدین اور نوشہروفیروز میں 9-9، سجاول میں 6 ،ٹنڈو محمد خان میں 5، ٹھٹھہ میں 4، کشمور، کندھ کوٹ اور مٹیار میں ایک ایک نئے کیسز رپورٹ ہوئے۔

 وزیراعلیٰ سندھ نے عوام کو ہدایت کی ہے کہ ایس او پیز پر عمل کریں،احتیاطی تدابیر ہی ہم سب کی صحت کی ضامن ہے۔