کوہاٹ کےعلاقے ہنگوروڈ پر قاتلانہ حملے میں محکمہ انسداد دہشت گردی کے افسر ہلاک ہوگئے۔
تفصیلات کے مطابق سی ٹی ڈی کانسٹیبل وزیر خان ضلع کرم میں ڈیوٹی کررہےتھے اور اپنے آبائی گاؤں نوے کلے سے کوہاٹ شہر کی جانب جارہے تھے کہ موٹر سائیکل پر سوار دہشت گردوں نے فائرنگ کی۔
فائرنگ کے نتیجے میں سی ٹی ڈی افسر موقع پر ہی جاں بحق ہوگئے ۔
لاش کو پوسٹ مارٹم منتقل کرکے مقامی سی ٹی ڈی اسٹیشن میں نامعلوم دہشت گردوں کے خلاف مقدمہ درج کرلیا گیا ہے ۔
ان کی نمازجنازہ کوہاٹ میں فرید حسین بنگش پولیس لائنز میں ادا کردی گئی ہے ۔
Advertisement
نمازِجنازہ میں ڈی آئی جی کوہاٹ ڈویژن طیب حفیظ چیمہ، ضلعی پولیس افسر منصور امان، ڈپٹی کمشنر عبدالرحمٰنم سی ٹی ڈی حکام اور دیگرعمائدین و پولیس اہلکاروں نے شرکت کی ۔
ڈی آئی جی اور دیگر حکام نے شہید افسر کو سلامی پیش کی اور اس کی قبر پر پھول بھی چڑھائے۔
واضح رہے کہ اس سے قبل رواں ہفتے کراچی، گھوٹکی اور لاڑکانہ میں رینجرزپرعلیحدہ علیحدہ واقعات میں قاتلانہ حملے کی کوشش کی گئی تھی جس کے نتیجے میں 2 رینجرز اہلکار ہلاک ہوگئے تھے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
