وفاقی وزیر برائےسائنس اینڈ ٹیکنالوجی فواد چوہدری نے پاکستان تحریک انصاف میں ہونے والی رسہ کشی کا اہم راز کھول دیا ۔
غیرملکی خبررساں ادارےکو انٹرویو دیتے ہوئے وفاقی وزیر نے جہانگیر ترین اور اسد عمر کے درمیان رسہ کشی کا انکشاف کرتے ہوئے بتایا کہ اسد عمر کی وزارت جانے کے پیچھے جہانگیرترین کا ہاتھ تھا ، پہلے جہانگیر ترین نے اسد عمر کو وزارت سے ہٹوایا پھراس کے بعد اسد عمر نے جہانگیر ترین کی چھٹی کرادی۔
فواد چوہدری کا مزید کہنا تھا کہ جب پی ٹی آئی کی حکومت بنی تو جہانگیر ترین، اسد عمر اور شاہ محمود قریشی کے اختلافات اتنے بڑھے کہ پولیٹیکل کلاس سارے کھیل سے ہی باہر ہوگئی اورسیاسی لوگوں کی جگہ بیوروکریٹس نے لے لی ہے۔
انٹرویو کے دوران وفاقی وزیر کا مزید کہنا تھا کہ جن لوگوں نے یہ خلاء پر کیا ان کا تعلق سیاست سے نہیں تھا، نئے آنے والے لوگ وزیرِ اعظم عمران خان کی سوچ سے ہم آہنگ نہیں ہیں اور نہ ہی ان میں کوئی صلاحیت ہے۔
وفاقی وزیر کامزید کہنا تھا کہ وزیراعظم نے صوبائی حکومتوں کی لیڈر شپ کمزور لوگوں کو دی جو ہر بات پر ڈکٹیشن لیتی ہے۔
Advertisement
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
