میئر اسلام آباد کی معطلی کا نوٹیفکیشن واپس لینے کا فیصلہ

ثمرا مظہر

05th Jun, 2020. 12:27 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

میئر اسلام آباد کی معطلی کا نوٹیفکیشن واپس لینے کا فیصلہ

وفاقی حکومت کی جانب سے میئر اسلام آباد شیخ انصر کی معطلی کا نوٹیفکیشن واپس لینے کا فیصلہ کیا گیاہے۔

تفصیلات کے مطابق میئر اسلام آباد کو17مئی کو وفاقی کابینہ کی منظوری سے کیپٹل ٹیرٹری لوکل گورنمنٹ ایکٹ کے تحت 90 روز کیلئے معطل کیا گیا تھا جسے انہوں نے عدالت میں چیلنج کررکھا تھا اور عدالت نے وفاقی حکومت کا حکم معطل کردیا تھا۔

اسلام آباد ہائی کورٹ کے جسٹس محسن اختر کیانی نے اس حوالے سے میئر اسلام آباد کی معطلی کے خلاف درخواست پر سماعت کی جس میں ایڈیشنل اٹارنی جنرل طارق کھوکھر نے بتایا کہ وفاقی حکومت نے میئر اسلام آباد کی معطلی کا نوٹیفکیشن واپس لینے کا فیصلہ کیا ہے۔

عدالت میں شیخ انصر کے وکیل نے کہا کہ عدالت نے میئر کی معطلی کا نوٹیفکیشن معطل کیا، دوبارہ یہ معاملہ اجلاس کے ایجنڈے میں رکھا گیا۔

ایڈیشنل اٹارنی جنرل نے کہا کہ عدالت اجازت دے میئر اسلام آباد کی معطلی کا بھی نوٹیفکیشن واپس لے رہے ہیں جس کے بعد قانون کے مطابق کارروائی ہوگی۔

اس موقع پر اسلام آباد ہائی کورٹ نے ایڈیشنل اٹارنی جنرل طارق کھوکھر کے بیان پر معطلی کے خلاف درخواست نمٹا دی۔