پب جی پر پابندی لگوانے کا فیصلہ

تنویر علی

23rd Jun, 2020. 07:53 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پب جی پر پابندی لگوانے کا فیصلہ

آن لائن گیم، زندگیوں کے لیئے خطرہ ثابت ہونے لگے، بلو وہیل کے بعد اب پب جی نوجوانوں کی نفسیات متاثر کرنے لگا۔

تفصیلات کے مطابق آن لائن گیم پب جی کے نشے میں چور 2 نوجوانوں نے موت کو گلے لگا لیا۔

والدين نے بيٹے کو آن لائن گيم کھيلنے سے منع کيا تھا، زکريا نامی نوجوان نے دلبرداشتہ ہو کر پنکھے سے لٹک کر جان دیدی۔

ڈی آئی جی آپریشنز لاہور اشفاق خان کا کہنا ہے کہ پب جی گیم آئس سے زیادہ خطرناک اور ڈیجیٹل نشہ بنتا جارہا ہے، چار دن میں 2 نوجوانوں کا خود کشی کرنا افسوسناک واقعہ ہے۔

لاہور پولیس نے گیم پر پابندی لگوانے کا فیصلہ کرتے ہوئے پی ٹی اے اور ایف آئی اے کو خط لکھنے کا فیصلہ کر لیا ہے۔

4 روز قبل بھی 20 سالہ جونٹي جوزف نامی نوجوان پنکھے سے لٹک کر خودکشی کر چکا ہے۔

ماہرین کا کہنا ہے کہ مذکورہ گیم کو کھیلنے سے بچوں میں قوت فیصلہ ختم ہوتی جارہی ہے اور ان کے دماغ پر بھی منفی اثرات مرتب ہورہے ہیں ، جو معاشرے کےلیے بھی ٹھیک نہیں ہیں۔