پی آئی اے کا مشتبہ لائسنس رکھنے والے پائلٹس کو گراؤنڈ کرنے کا فیصلہ

ثمرا مظہر

25th Jun, 2020. 05:06 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی آئی اے کا مشتبہ لائسنس رکھنے والے پائلٹس کو گراؤنڈ کرنے کا فیصلہ

پی آئی اے نے مشتبہ لائسنس رکھنے والے تمام پائلٹس کو گراؤنڈ کرنے کا فیصلہ کرلیاہے۔

ترجمان پی آئی اے کے مطابق مشتبہ لائسنس کے حامل 150 پائلٹس کو پروازوں سے روک دیا گیا ہے اور جو پائلٹ اپنے لائسنس کی تصدیق کرا لیں گے انہیں ڈیوٹی پر بحال کردیاجائے گا۔

ترجمان نے کہا کہ اتنی بڑی تعداد میں پائلٹس کو گراؤنڈ کرنے سے پی آئی اےفلائٹ آپریشن متاثر ہوگا تاہم فلائٹ سیفٹی اور مسافروں کا تحفظ تجارتی مفادات سے بالا تر ہے۔

ترجمان نےبتایا کہ جعلی ڈگری کے حامل 6 پائلٹس کو پہلے ہی ملازمت سے نکالا جا چکا ہے۔

واضح رہےکہ 22 مئی کو کراچی میں پیش آنے والے واقعے کے بعد تحقیقاتی رپورٹ منظر عام پر آنے سے مشتبہ لائسنس رکھنے والے پی آئی اے کے پائلٹوں کے لائسنس کی تصدیق کا فیصلہ کیا گیا ہے۔