وزیراعظم عمران خان نے کہا ہے کہ پاکستان خطے میں سب سے سستا پٹرول فروخت کرنے والا ملک ہے۔

تفصیلات کے مطابق وزیراعظم کی طرف سے پارٹی ارکان اور اتحادیوں کے اعزاز میں دیا گیا عشائیہ شروع ، وزیر اعظم نے بجٹ کی منظوری سے متعلق تمام ارکان کو اعتماد میں لیا جبکہ تمام حکومتی و اتحادی ارکان کو بجٹ کے بارے میں بریفنگ دی۔

اور اتحادیوں کو ساتھ کے کر چلیں گے وزیراعظم نے کہا کہ اہم فیصلوں میں اتحادیوں سے ہمیشہ مشاورت کی گئی، اتحادی حکومت کا اہم حصہ ہیں، ان کے تحفظات دور کریں گے۔

 عمران خان نے یہ بھی کہا کہ کورونا سے بچاو کے لئے حکومت نے سمارٹ لاک ڈاون کا آئیڈیا متعارف کرایا، سمارٹ لاک ڈاون آئیڈیا کی کامیابی کی آج پوری دنیا معترف ہے۔

وزیراعطم نے حکومتی و اتحادی ارکان کو قومی اسمبلی میں حاضری یقینی بنانے کی ہدایت کرتے ہوئے کہا کہ کل بجٹ منظوری کے لئے تمام اراکین اسمبلی ایوان میں شریک ہوِں۔

عمران خان نے پٹرولیم مصنوعات کی قیمتوں میں اضافے پر بھی اعتماد میں لیا جبکہ اتحادی جماعتوں کے پٹرول کی قیمتیں بڑھانے کے حوالے سے خدشات کو بھی دور کیا۔

انھوں نے کہا کہ موجودہ حالات میں متوازن بجٹ پیش کیا، ہر حال میں بجٹ منظور کروانا ہے جبکہ عالمی مارکیٹ میں پٹرول مہنگا ہونے کے باوجود ہم نے قیمت کم بڑھائی۔

وزیراعظم اور چوہدری برادران کی اتحادی جماعتوں رہنماؤں کو عشائیے کی دعوت

وزیراعظم عمران خان نے مزید کہا کہ بجٹ میں عام آدمی کو ریلیف فراہم کرنے پر توجہ دی گئی جبکہ بجٹ میں نہ تو نئے ٹیکس لگانے گئے، نہ ہی عوام پر اضافی بوجھ ڈالا گیا۔

عشائیہ میں تحریک انصاف کے ارکان قومی اسمبلی عشائیے میں وفاقی وزرا، مشیر، معاونین خصوصی ، پارٹی کے ارکان اسمبلی اتحادی، ایم کیو ایم، بلوچستان عوامی پارٹی ،جی ڈی اے کے ارکان نے شرکت کی۔