پاکستان نیول اکیڈمی میں 113ویں مڈشپ مین اور 22ویں شارٹ سروس کمیشن پاسنگ آؤٹ پریڈ کا انعقاد کیا گیا ،کمانڈر پاکستان فلیٹ وائس ایڈمرل آصف خالق پاسنگ آؤٹ پریڈ کے مہمان خصوصی تھے۔

ترجمان پاک بحریہ کے مطابق  نیول اکیڈمی آمد پر کمانڈر کراچی وائس ایڈمرل زاہد الیاس نے مہمان خصوصی کا استقبال کیا۔اس موقع پر خطاب کرتے ہوئے وائس ایڈمرل آصف خالق نے کہا کہ  پیشہ ورانہ مہارت, جدید ٹیکنالوجی کا حصول اور جیو اسٹریٹجک صورتحال سے ہم آہنگی وقت کی اہم ضرورت ہے۔

113th Midshipmen & 22nd SSC Course Passing Out Parade of 100 Midshipmen & 65 cadets of SSC Course held at Pakistan Naval Academy, Khi. COMPAK V/ Adm Asif Khaliq was Chief Guest. COMKAR V/ Adm Zahid Ilyas was also present on the occasion.(1/3) pic.twitter.com/zH9WvlACXu

— Rear Admiral M Arshid Javed DGPR Navy (@dgprPaknavy) June 27, 2020

 وائس ایڈمرل آصف خالق کا کہنا تھا کہ مقبوضہ کشمیر میں بھارتی جارحیت اور آرٹیکل 370 کا خاتمہ انسانی حقوق کی پامالی کی بدترین مثال ہے ہمارے مشرقی ہمسائے کی غیر ذمہ دارانہ کاروائیاں خطے کے امن اورعالمی استحکام کے لئے خطرہ ہیں۔

ترجمان پاک بحریہ کے مطابق پاسنگ آوٹ پریڈ میں 165 افسران نے پاک بحریہ میں کمیشن حاصل کیا۔  مڈ شپ مین عبدالرحمان نے اعزازی شمشیر حاصل کی۔مہمان خصوصی نے کمیشن حاصل کرنے والے کیڈٹس کو مبارکباد پیش کی اورنمایاں کارکردگی کا مظاہرہ کرنے والوں میں انعامات تقسیم کئے۔