پاکستان کوروناوائرس سے نمٹنے میں ناکامی پر ایشیا کا خطرناک ملک قرار دیا گیا ہے۔

 غیر ملکی خبررساں ادارے کے مطابق ہانگ کانگ کے اسٹڈی گروپ نے ممالک کی درجہ بندی کی تیاری میں وبا سے نمٹنے کے لیے طبی وسائل کے استعمال، قرنطینہ کی سہولیات، وائرس کی تشخیص کی صلاحیت اور معاشی نقصانات کی رفتار کو معیار بنایا ہے۔

اسٹڈی گروپ کی جانب سے کی جانے والی درجہ بندی میں  پاکستان کورونا وائرس سے نمٹنے میں ناکامی پر ایشیا اوربحرالکاہل کا چوتھا خطرناک ملک قرار دیا گیا ہے ۔

250صفحات پر مبنی اسٹڈی رپورٹ میں جنوبی سوڈان کو کورونا وائرس سے روک تھام کے اقدامات میں ناکامی پر دنیا کاخطرناک ترین ملک قرار دیا گیا ہے۔

سوئٹزرلینڈ کورونا سے کم نقصان اٹھانے والے ممالک میں سرفہرست ہے جبکہ  جرمنی دوسرے  اور اسرائیل تیسرے نمبر پر موجود ہے۔

فہرست میں چین کا ساتواں، نیوزی لینڈ کا 9، جنوبی کوریا  10، سعودی عرب 17 ، ترکی  37، بھارت 56، امریکا 58، برطانیہ 68 اور  بنگلادیش کا 84 واں نمبر ہے۔

 200 خطوں اور ممالک کی اس رپورٹ میں پاکستان کا نمبر 148  ہے۔ رپورٹ میں خطوں کے حساب سے ملکوں کاسیفٹی اسکور جاری کیا گیا ہے۔

ایشیا اینڈپیسیفک ریجن میں سب سے زیادہ سفیٹی اسکور سنگاپور کا ہے، پاکستان کا سیفٹی اسکور 370، پڑوسی ملک بھارت کا اسکور 535 اور بنگلادیش کا 482 بتایا گیا ہے تاہم خطے کا سب سے کم سیفٹی اسکور افغانستان کا 310 ہے۔

واضح رہےکہ پاکستان میں کورونا وائرس کے کیسز کی تعداد 1 لاکھ 8 ہزار 317  جبکہ اس موذی وباسے 2 ہزار 172 افراد  جاں بحق چکےہیں ۔