وزیراعظم عمران خان آج کراچی پہنچیں گے

Now Reading:

وزیر اعظم عمران خان سندھ کے دو روزہ دورے پر آج شام کراچی پہنچیں گے۔

تفصیلات کے مطابق سندھ کے دورے کے دوران وزیراعظم گورنر ہاؤس میں کوروناسے متاثرہ مریضوں کیلئےقائم کیے گئے موبائل اسپتال کا معائنہ کریں گے۔

ذرائع کے مطابق وزیر اعظم آج رات کراچی میں قیام کریں گے، اس دوران گورنر ہاؤس کے احاطے میں کورونا مریضوں کے لئےقائم موبائل اسپتال کا معائنہ کریں گے۔

ذرائع کے مطابق وزیراعظم سے بدھ کی صبح پی ٹی آئی ارکان اسمبلی کے علاوہ ایم کیو ایم پاکستان اور جی ڈی اے کا وفد بھی ملاقات کرے گا۔

ذرائع نے بتایا کہ بدھ کی دوپہر وزیر اعظم لاڑکانہ پہنچیں گے جہاں وہ احساس پروگرام سینٹر کے دورے کے علاوہ سیاسی رہنماؤں سے ملاقاتیں بھی کریں گے۔

لاڑکانہ دورےکے بعد وزیر اعظم بدھ کو واپس اسلام آباد چلے جائیں گے۔