خیبر پختونخوا میں تین دنوں کے دوران 9 علاقوں میں سمارٹ لاک ڈاؤن نافذ کر دیا گیا۔
تفصیلات کے مطابق خیبر پختونخوا میں کورونا کے کیسزکی بڑھتی ہوئی تعداد کے پیش نظر مختلف اضلاع میں سمارٹ لاک ڈائون کے نفاذ کا سلسلہ جاری ہے، متعلقہ علاقوں کو خار دار تاریں لگا کر سیل کر دیا گیا ۔
ذرائع کے مطابق خیبرپختونخوا میں کورونا وائرس سے حالات مزید خراب ہوگئے، 3 دنوں کے دوران 9 علاقوں میں سمارٹ لاک ڈاؤن نافذ کر دیا گیا ،اس کے ساتھ ساتھ ایبٹ آباد، سوات، نوشہرہ، مردان، چترال اور ملاکنڈ کے علاقوں میں بھی لاک ڈائون نافذ ہے،تاہم پشاور کے مختلف علاقوں میں احکامات پر مکمل عملدرآمد نہ ہوسکا۔
پشاور میں اشرفیہ کالونی، یونیورسٹی ٹاؤن میں چنا رروڈ، دانش آباد، حیات آباد کے دو فیز، آسیہ اور شنواری ٹاؤن میں سمارٹ لاک ڈائون لگایا گیا ہے، متعلقہ علاقوں میں مین روڈ کو ہر قسم کی آمد ورفت کے لیے بند کیا گیا ہے لیکن عقبی راستوں کو نظر انداز کر دیا گیا ہے۔
اپر چترال کی 3 وادیوں، ایبٹ آباد کے 6 علاقوں، نوشہرہ کے 15، مردان کے 5، خیبر کے 3، سوات میں 11 اور بٹگرام کے 7 علاقوں کو بھی سمارٹ لاک ڈاؤن کے تحت سیل کیا گیا ہے۔
واضح رہے کہ سمارٹ لاک ڈاؤن کے حوالے سے جہاں شہریوں نے حکومتی اقدامات کو سراہا تو وہیں متعلقہ علاقوں کے دکانداروں کا کہنا ہے کہ لاک ڈاؤن کے دوران کاروباری مراکز کو کھلا رکھنے کی اجازت دی جائے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News