تُرک چینل ترکش ریڈیو اینڈ ٹیلی ویژن کارپوریشن (ٹی آر ٹی) کی جانب سے پاکستان میں تیرہویں صدی کی اسلامی فتوحات پر مبنی ڈرامہ سیریل’ ارطغرل غازی ‘ کی مقبولیت کو دیکھتے ہوئے پاکستانی مداحوں کے لیے خصوصی طور پر یوٹیوب چینل متعارف کرادیا۔
تفصیلات کے مطابق ’ارطغرل غازی‘ کو ٹی آر ٹی اورپی ٹی وی کے درمیان خصوصی معاہدے کے تحت وزیر اعظم عمران خان کی ہدایات پر اُردو میں ڈب کرکے یکم رمضان المبارک سے سرکاری ٹی وی پر نشر کیا جا رہا ہے۔
’ارطغرل غازی‘ نے پاکستان میں کئی ریکارڈ اپنے نام کئے ہیں جن میں سے یوٹیوب پر سب سے زیادہ دیکھا جانے والے ڈرامہ بھی بن چکا ہے۔
ارطغرل غازی کی کہانی اور کرداروں نے نہ صرف پاکستانی عوام کو بلکہ سیاسی و شوبز معروف شخصیات کو بھی اپنے سحر میں جکڑ رکھا ہے جو مقبولیت اس ڈرامے کو پاکستان میں حاصل ہوئی اس سے پہلے کسی تُرک ڈرامے کے حصے میں نہیں آئی۔
ارطغرل غازی کی شاندار مقبولیت کے بعد ٹی آر ٹی نے پاکستانی مداحوں میں ترکی کے ڈراموں کی مقبولیت کو دیکھتے ہوئے یوٹیوب پر خصوصی چینل متعارف کرادیا، جس میں مقبول ڈراموں کو اردو سب ٹائیٹلز کے ساتھ اپ لوڈ کیا جا رہا ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
