یوروپی یونین میں صحت کے شعبے کے ماہرین نے یورپ میں کورونا کی دوسری لہر کے امکان پر خبردار کیا ہے۔

یوروپی سینٹربرائےانسداد امراض کے ذریعہ کیے جانے والی تحقیق میں کہا گیا ہے کہ یورپ میں  آنے والے ہفتوں میں کورونا کی شرح میں درمیانےدرجے کی نئی لہر اٹھ سکتی ہے۔

یورپی سینٹرکی ڈائریکٹرآندریا امون نے کہا کہ اس وبائی مرض کا خاتمہ نہیں ہوا ہے، یہ دوبارہ سر اٹھا سکتی ہے۔

انہوں نے یہ بھی مزید کہا کہ اگرچہ کوویڈ 19 میں پورے یورپ میں انفیکشن میں کمی واقع ہوئی ہے لیکن اس بیماری کے پھیلاؤ کو کم کرنے کے لیے ابھی بھی کوشش کی ضرورت ہے۔

آندریا امون کا کہنا تھا کہ کوویڈ 19 کے کیسز میں یورپ میں لاک ڈاؤن اور سماجی دوری بڑھانے کے اقدامات دوبارہ نافذ کرنے کی ضرورت ہے۔ ان کا کہنا تھا کہ یہ امکان درمیانے درجے سے زیادہ ہے اور پابندیوں میں بتدریج نرمی اور لوگوں ایک دوسرے کے ساتھ قربت وبا کو دوبارہ پھیلا سکتی ہے۔

انہوں نے مزید کہا کہ ضروری ہے کہ معاشرتی دوری کے حوالے سے سفارشات پر عمل درآمد کیا جائے اور صحت عامہ کے اعلی معیار کو برقرار رکھا جائے۔

اسٹاک ہوم میں قائم یوروپی سینٹر برائے انسداد امراض نے یورپی یونین میں بیماریوں کی روک تھام کے لیے سفارشات پیش کی ہیں۔ ان کے جائزے سے یہ نتیجہ اخذ کیا گیا ہے کہ بہت سی حکومتوں کے عائد سخت معاشرتی پابندیوں کے اقدامات نے وبا کی منتقلی کو کم کردیا ہے۔

دوسری جانب عالمی ادارہ صحت نے گزشتہ پیر کو اعلان کیا تھا کہ دنیا بھر میں کورونا وائرس کی صورتحال بدتر ہوتی جارہی ہے۔ عالمی ادارہ کورونا وبا کے معاملے میں لا پرواہی برتنے کے سنگین نتائج پر بھی متنبہ کرچکا ہے  ۔